الجمعة، 14 ديسمبر، 2012

سوف أحمد الله


سوف أحمد الله دائمًا على اختياراته لي

فإن لم أدركها في حينها أدركتها فيما بعد


الله لا يختر لي شيء سيء أبدًا

أنا فقط التي لا تتمتع ببصيرة صائبة

اللهم أنر بصيرتي وارزقني شكرك وحسن عبادتك

الحمد لله حمدًا كثيرًا طيبًا مباركًا فيه

أحمدك ربي لأنك تدبر لي أمري

ومن سواك يسترني ويلحقني ويطيب جراحي

يا رب

الأربعاء، 12 ديسمبر، 2012

سأكتفي بالصيف


سأكتفي بالصيف لي فصلاً أعيش عليه أيامي

فحبك لم يدفئني وحضنك لم يطمئنني

أحب الصيف في بعدك فدفئه يغنيني عنك

ولكن قدوم الشتاء يذكرني دائمًا بافتقادي لوجودك إلى جواري

أرجوك اقترب مني أكثر في الشتاء

أرجوك لا تدعني أرتجف في برودة الليل وحدي

شتاؤك ملاذي

وصيفي نجاتي

فلك أن تتخيل كم أحبك فالشتاء يا حبيبي

فلا تترك كل أيامي صيفًا وترحل

الجمعة، 30 نوفمبر، 2012

انا عاوزة اتكلم

انا عاوزة اتكلم واحكي وارغي واضحك واجري واتفسح زي زمان

اقولكم على حاجة

انا قرفت

استغفر الله العظيم

لا حول ولا قوة الا بالله العلي العظيم

انا لله وانا اليه راجعون

الاثنين، 26 نوفمبر، 2012

عيون


الصعود لأعين الناس صعب
لكن الهبوط منها في قمة السهولة

الأحد، 18 نوفمبر، 2012

هكذا إذن

ربما الحياة رحلة وعليّ تقبلها والاستمتاع بها قدر الامكان

ربما نظرتي زادت من أموري سوءً

وطالما كنت دائمًا من هواة السفر فلماذا الآن أبغضه

وطالما كنت دائمًا من محبي التدريس فلماذا الآن أمقته

وطالما كنت دائمًا محبة للأطفال فلماذا الآن أنهرهم؟

ربما عليّ أنا أن أتغير قليلاً.. كثيرًا.. لأتأقلم مع أوضاعي

أجل أفادني السفر وزيارة الأحباء ولكن لأعتبر رحلتي اليومية هي رحلة للقاء الأحباء ولأستمتع بها قدر الامكان

السبت، 17 نوفمبر، 2012

فالواقع

في الواقع لا أتمنى العودة إلى هذا العالم

ولكن كيف السبيل إلى ذلك؟

السبت، 10 نوفمبر، 2012

ربنا هيفرجها

ربنا هيفرجها
ربنا كريم

ربنا بيحبني وهيساعدني اني افضل على طريقه المستقيم

لأن بكل بساطة ربنا مخلقنيش علشان يذلني ولا يشوفني بتبهدل

ربنا خلقني علشان أعبده صح وبس دا كل المطلوب مني

الدنيا دي كلها حلم او يمكن كابوس

بكل اللي فيها دول كلهم خيالات مش ناس حقيقيين ولا المشاكل اللي بمر بيها في حياتي حقيقية ولا الآلام اللي بتجيلي حقيقية

كل دا سراب والمفروض أصحى

أصحى على النتيجة اللي هوصلها باختياراتي

يعني الكابوس او الحلم اللي انا فيه انا مش مسيرة فيه بالعكس انا مخيرة تماما وانا اللي ماسكة زمام الأمور

يا رب انا نفسي اقدر اخرج برة الاطار وبرة الصندوق واتصرف من خارج حلمي مش عاوزة اتكعبل في خيوطه وأتوه في أحداثه عاوزة أشوف البعيد مش شرط بعيد قوي بس أقدر أشوف مين اللي قدامي وحوليا مين اللي بيزقني عاوز يوقعني ومين اللي بيديني دفعة علشان استمر في سلام

يا رب مش انت خلقتني وعايزني اعبدك وانا كمان نفسي اكون أمة مطيعة ونفسي مزعلكش مني أبدًا

يا رب مش انت اللي قلت من تقرب اليك شبرًا تقربت اليه ذراع ومن تقرب اليك ذراع تقربت اليه باع ومن اتاك حبو اتيته تجري

يا رب اني احبو اليك وقربي اليك خطوات يا رب التقطني يا رب يا رب التقطني يا رب لا تتركني اهوى في فجوة الدنيا واسقط في غياباتها التقطني ربي ولا تدعني اضيع في الطرقات واضل طريقك المنير

انر بصيرتي يا رب يا من اذا دعيت استجبت اني ادعوك ربي وانا في أمس حاجتي إليك

اللهم اني أسألك باسمك الأعظم الذي سميت به نفسك أو علمته أحد من خلقك أو أنزلته في كتابك أو استأثرت به في علم الغيب عندك أن تجعل القرآن الكريم ربيع قلبي ونور صدري وجلاء حزني وذهاب همي وغمي

وبشر الصابرين

بسم الله الرحمن الرحيم
السلام عليكم ورحمة الله وبركاته

إن لله ما أخذ ، وله ما أعطى ، وكل شيء عنده بأجل مسمى ، فاصبر واحتسب

عارفة ان الحديث دا وارد في العذاء لكن كذلك هو يحمل معنى الإيمان بقضاء ربنا وقدره وحكمته وعدله

ياااااااااااه يااااااااه يااااااااااه
انا بقالي ييجي سنة بحالها بحاول أدخل على إيميل ليا على الجي ميل سنة بحالها بحاول أسترجع الحساب ومش عارفة لأني بكل بساطة مكنتش فاكرة الإيميل الاحتياطي اللي كنت حطاه للإيميل دا وكذلك مكنتش فاكرة الباس وورد

والجي ميل يمطوح فيا يمين وشمال ويقولي هاتي خمس مواقع دخلتي عليها بالإيميل دا وهاتي رقم حسابك فالبنك وهاتي رقم تليفونك وكان موال بجد لدرجة إني فقدت الأمل واستعوضت ربنا في الحساب دا

وسبحان الله لجل الحظ النهاردة وزي ما تكون رسالة من ربنا علشان يعرفني بيها إزاي اللي ربنا عاوزة هيكون في المعاد اللي ربنا كاتبه وفرجه قريب بس أنا مشيلش الدنيا على راسي وربنا هيفرجها من عنده

دخلت على حساب جي ميل كنت عاملاه ومكنتش بدخل عليه بقالي فترة المهم دخلت وفوسط مانا بتصفح الميل لقيت في الكونتاكتس بتوعي الايميل بتاع الجي ميل بتاع بابا "اللي كنا ناسيين هو اسمه ايه" وكان عنده بيه مدونة كذلك -آينعم هي كانت تحت الإنشاء لكن كانت موجودة- فأنا أخدت عنوان الإيميل وقلت لما أجرب أدخل كدا يمكن ربنا يفتحها عليا ويدخل

وبالفعل دخلت وطبعًا الباس وورد مكنتش عارفاها فقلتله نسيتها فطلب مني الإيميل الاحتياطي وبالفعل حطيت الإيميل الاحتياطي وبكل بساطة لقيته بعته للميل وعدلت الباس ودخلت عالمدونة وظبط الدنيا

طبعًا وقتها افتكرت الايميل اللي طلع عيني ومعرفتش أدخله قلت ما أجرب كدا يمكن ربنا يفرجها عليا وأعرف أدخل

ولجل كرم ربنا بالفعل جربت أدخل الميل وقلتله نسيت الباس وقلتله ابعتلي على ايميلي وجربت كل ايميلاتي ومنفعش وبعدين بصيت كدا لقيت انكل جووجل ربنا يكتر من أمثاله حاطت هنت "تلميح" للايميل الاحتياطي بإنه كاتبلي نوع الميل ايه وكمان كاتبلي أول وآخر حرف من الميل

انا طبعا فضلت افكر انا معنديش ولا ميل بالحروف دي وعلطول جه في بالي صبحتي حبيبتي الغالية "يا غالية" وبالفعل كتبت ايميلها وبالفعل انكل جووجل قبل الإيميل وقالي انه هيبعت رابط استعادة الباس على الميل المذكور

وفورًا مكدبتش خبر وكلمت صحبتي وقلتلها ضرووووووووري تفتح ايميلها وترجعلي الميل تاني والحمد لله رب العالمين

بس ربنا يستر وتكون هي فاكرة الباس بتاع ايميلها ^_^

بجد بجد عاوزة أقول أحمدك يا رب والرسالة وصلت وكل شيء بأوان فعلاً
ونعم بالله

الجمعة، 2 نوفمبر، 2012

موعدنا الثابت وسوف نلتقي

بسم الله الرحمن الرحيم
السلام عليكم ورحمة الله وبركاته

ولنا فالزمان موعد نعلمه وننتظره ونلتقي
أجل نلتقي ربما كل منا في مكان ولكننا اتفقنا على أن نلتقي
التقينا في خيالاتنا وفي زمان لم يحسبه العيان
التقينا لأننا أردنا اللقاء دون عناء ولا دخلاء
التقينا كما قررنا دومًا التقينا في الميعاد
ربما ظنوا أنه لن ولم يكتب لنا اللقاء
ولكننا بداخلنا نعلم أننا نلتقي وسنظل نلتقي إلى آخر الزمان
لقد تخطينا قيد المكان وحاجز الزمان وكسرنا القواعد
وأطلقنا العنان لروحينا لتتقابل حيث شاءت فالسماء
هي تشعر بي وأنا أشعر بها تمامًا دون كلمات ولا لمسات ولا حتى ضحكات
انه الواقع انها الحقيقة

فلقد كان للقائنا ميعاد

الأربعاء، 31 أكتوبر، 2012

رحيل


الأحد، 28 أكتوبر، 2012

ولماذا أتنازل؟!!


بسم الله الرحمن الرحيم
السلام عليكم ورحمة الله وبركاته



يطلبون مني أن أتنازل لأقبل بأحد المتقدمين إليّ

وأنا أتساءل

ولماذا أتنازل من الأساس

يخبرونني أنه كان يُدخن ولكنه أقلع عن التدخين منذ فترة وأنا أسألهم وهل كنت أنا مدمنة وأقلعت عن الإدمان؟!

يخبرونني أنه كان معهد ولكنه في طريقه لتحسين مستواه التعليمي وهل كنت أنا نائمة في الكسل ثم استيقظت متأخرًا؟ّ

يخبرونني أنه منطوي ولا يحب الناس ومنذ متى وأنا أخاف الاختلاط بالناس؟!

يخبرونني أنه لا يصلي في المسجد ولا يصوم السنن وأتساءل هل هذا من سيعينني على ديني؟!!



يخبرونني ويخبرونني ويخبرونني

وأعلم أن ما بي هو فقط من فضل ربي وما لي يد فيما أنا فيه

ولكنني كذلك سعيت لأن أكون أم مشرفة لأبنائي فلماذا أتنازل في حقهم وأختار لهم أب "أتنازل" في الموافقة عليه؟!!

ولماذا أتنازل من الأساس طالما ربي الذي خلقني مؤكد خلق من يناسبني

لماذا أتنازل من الأساس؟!!

الاثنين، 15 أكتوبر، 2012

علمونا في مدرستنا

بسم الله الرحمن الرحيم
السلام عليكم ورحمة الله وبركاته

الأغنية دي بجد بموووووووووت فيها أول مرة سمعتها كانت بنت خالتي الصغيرة مصورنها فيديو وهي بتغنيها تحفة بجد ربنا يحفظها ويحميها

ومن يومها وانا حبتها جدا وقررت احفظها للأطفال فالحضانة ونمثلها كمان


 



كلمات أغنية علمونا في مدرستنا

علمونا فمدرستنا إزاي نحبها.. نخاف عليها طول حياتنا ونحمي أرضها

فهمنا يعني إيه بلادي تحية العلم ننادي..لكي حبي وفؤادي بنحبك يا مصر
احنا اللي هنحافظ عليها نبني مستقبلنا فيها .. هنعليها ونعلى بيها ونشيل اسم مصر
علمونا ان احنا واحد كلنا مصريين.. احنا لنا رب واحد مهما اختلف الدين
هنحب بعض مهما يجرى واللي عنده فينا فكرة..للبلدي تبقى بكرة هيقولوا ابن مصر
احنا اللي هنحافظ عليها نبني مستقبلنا فيها.. هنعليها ونعلى بيها ونشيل اسم مصر
انا هبقى جندي من جنودها واحمي ارضها.. لو عايزة مني عمري كله تحت أمرها

فهمنا يعني إيه بلادي تحية العلم ننادي..لكي حبي وفؤادي بنحبك يا مصر
احنا اللي هنحافظ عليها نبني مستقبلنا فيها .. هنعليها ونعلى بيها ونشيل اسم مصر

الجمعة، 12 أكتوبر، 2012

أحيانًا


بسم الله الرحمن الرحيم
السلام عليكم ورحمة الله وبركاته

أحيانًا وأثناء سيرك في طريق حياتك تصادف شخصيات
بعضها تسعى للاحتفاظ به والبعض الآخر يخزلك فتقرر التخلي عنه

ولكن في بعض الأحيان يمنعك حياؤك من هذا التخلي فتقرر أن يكون موقفك تجاههم سلبي أو بلا ملامح
لتتفاجأ في أحد الأيام بأنهم هم من قرروا التخلي عنك وأزاحوا عن عاتقك حرج اتخاذ هذا القرار

وقتها تبدأ في النظر لحياتك بطريقة أكثر إيجابية لتثبت لنفسك أنهم لم يكونوا يستحقوا من البداية
وحينها تبدأ في السعي للتعرف على شخصيات جدد ومصادفة شخصيات جديدة في طريق حياتك

دون الالتفات للخلف أو سماع طنين الماضي فقد ولى
وفي الغالب بلا رجعة
فالقرار كان من الطرفين والانتظار كان فيمن سيأخذه أولاً

الاثنين، 1 أكتوبر، 2012

انا بحب

بسم الله الرحمن الرحيم
السلام عليكم ورحمة الله وبركاته

انا بحب الابداع وبحب الأشغال اليدوية
وبحب التدريس جدااااااااا وخاصة للأطفال أو الكمبيوتر

لكن بكره القيود والسلطات العليا >_<

يا رب ريح قلبي وطمني واسعد احوالي يا رب

انا عارفة اني مقصرة قوي في الدعاء يا رب

يا رب يا من قلت ادعوني استجب لكم

اسعدني بحياة ترضيك عني وتقربني اليك ويطمئن بها قلبي ويستقر فيها عقلي

اللهم أسعد أحوالي يا رب العالمين واكرمني أنت أكرم الأكرمين يا رب العالمين

الأحد، 30 سبتمبر، 2012

اللهو الخفي

بسم الله الرحمن الرحيم
السلام عليكم ورحمة الله وبركاته

عزيزي اللهو الخفي

الله يباركلك اظهر بقى انا بجد محتاجاك وزهقت

ربنا يوصلك بالسلامة يا رب وبسرعة

حقيقي تعبانة

الخميس، 27 سبتمبر، 2012

عنها أتحدث

بسم الله الرحمن الرحيم
السلام عليكم ورحمة الله وبركاته



تستيقظ فجأة لتنظر في هاتفها الخلوي .. أرقامه تشير إلى الخامسة والنصف فجرًا
تريح رأسها مجددًا على وسادتها إنه لم يرن بعد لازال الوقت مبكرًا لقد استيقظت قبل الموعد المطلوب بنصف ساعة
عليها أن تسرع للحاق بصلاة الفجر قبل موعد الشروق
ولكنها الخامسة والنصف على أي حال باق من الوقت عشرة دقائق هي ما ستستغرقها لقضاء حاجتها والوضوء وارتداء ملابس الصلاة وبالتالي تكون فاتتها الصلاة
إذا فلا بأس من بعض النوم من الموعد المحدد
في الساعة السادسة يدق جرس منبه هاتفها .. تنظر إليه في عدم اعتناء ثم تتركه مره أخرى .. لا بأس من ربع ساعة أخرى إنها تستيقظ مبكرًا على أي حال
السادسة والخمس دقائق إنه يدق مرة أخرى .. أزعجها
قررت إعادة ضبطه على السادسة والنصف فلتنعم بهذا التأخير إذن مادامت ستنامه
يدق.. تغلقه.. تنام.. تستيقظ مزعورة على الساعة السابعة.. لقد تأخرت بالفعل

تهرول للحاق بما ستفعله
تقصد الخلوة.. تليها حوض الوجه .. تغسل أسنانها وجهها تتوضأ .. تذهب مسرعة لتنادي على والدتها لقد أصبحت الساعة السابعة والربع ولم ترتدي ملابس الخروج بعد وعلى والدتها إعداد شطيرة البيض لتأكلها أثناء طريقها

تسرع للغرفة تتناول ملابس الأمس كما هي فلا وقت لتجهيز طقم جديد.. تذهب لتأخذ شطيرة البيض ولا تنسى التأكيد على والدتها بتحضير تفاحة مقطعة في حقيبة الشطائر فلن يسعفها الوقت لتأكلها هي الأخرى بالطريق

تذهب لتصلي .. تشرب ثلاثة ملاعق من العسل الأسود ولا تنسى شطيرتها في يدها .. دفاترها باليد الأخرى .. وتضع حقيبة التفاحة المقطعة بحقيبة يدها بسرعة وتسأل والدها على "فكة" للمواصلات -إنها طريقتها للتحايل على القانون ودفعهم لدفع تكاليف انتقالتها بدلا من أن تبدد راتبها عليها- تأخذ ما فيه النصيب وتهرول على الدرج

في طريقها للموقف تلاحظ شباب "الفاعل" المنتظرين أمام هذا المبنى الغير مكتمل البناء ينتظرون "ريسهم" ليقود العمل وينظرون إليها باستغراب يوميًا وهي تهرول وتتناول شطيرتها في ذات الوقت

تير إلى إحدى الحافلات تركب مسرعة ولازالت الشطيرة بيدها .. تنهيها قبل الوصول للمحطة المطلوبة وتتناول زجاجة المياه خاصتها من الحقيبة وترتشف بضع نقاط "لتنظف بها فمها"

تنزل من الحافلة وتستكمل مسيرة بضع دقائق سيرًا للحاق بعربات الموقف الآخر الذاهب إلى مقر عملها

في هذا الأخير تصعد وتفتح حقيبتها لتتناول منها كتيب أذكار الصباح والمساء .. تستغرق الطريق في قراءة الأذكار

تنزل في آخر الخط وتبدأ في الاسراع بالسير لتنقذ ماء وجهها من تمتمات أحدهم ليس لها داع نتيجة تأخرها

تقابل في طريقها وعلى بعد بضعة خطوات من بوابة المدرسة أولياء أمور بعض الأطفال والذين يصرون على جذب أطراف الحديث معها بعد السلامات وما إلى ذلك وهي تدعوا بداخلها لو كان بإمكانها ارتداء "طاقية الاخفا" حتى لا يراها أحد ولا يعطلها أحد

تحمد الله فلم تغلق بوابة المدرسة بعد

تدخل مهرولة لمكتب الاداريات لتضع إمضتها "الثمينة" في دفتر الحضور" ثم تتوجه بعدها مسرعة إلى إحدى قاعات الدروس ربما لتعطي إيحاء بأنها متواجدة منذ وقت طويل ولكنها كانت في مكان ما داخل المدرسة

تقابلها بعض أولياء الأمور وتتزمر لماذا تأخرت المعلمة والأطفال ينتظروف.. ترد بكل ثبات -فلن تنظر إحداهن لساعة يدها لسبب بسيط أنهن لا يرتدين ساعات اليد- أنا لم أتأخر إن موعدي في الثامنة

تدخل قاعة النشاط ليصيح الأطفال جميعهم ويقبل بعضهم عليها "ميس إيناس جت ميس إيناس جت"
بالطبع لا يسعها إلا أن تحتضنهم وتلقي عليهم السلام وتذكرهم بأهمية الرد عليه وتبدأ بتذكيرهم بالطقوس اليومية من تعليق الحقيبة على ظهر الكرسي وإخراج دافتر الواجب المنزل وإحضارها على مكتبها ثم الجلوس بالتزام وإخراج فطورهم وتناوله مع الحفاظ على نظافة المكان وعدم إلقاء شيء على الأرض


تتابع تقسيم دفاتر الواجبات حسب كل مادة وتأخذ القسم الخاص بها لتبدأ في تحضيره وبعد انتهاء فترة نشاطها في هذه القاعة تتأهب وتجهز حاجياتها للذهاب للقاعة الأخرى


يتشبث بها أحد الأطفال وهو منفطر في البكاء ويسألها إلى أين تذهب فتجيبه فيقول لها لا تذهبي أريدك لا تذهبي

تتوسل إليه أن يهدأ ويعود إلى مكانه وتأخذ تمدح في معلمة الفصل الأخرى وهو لا يهدأ ولا يقتنع إنه يريدها هي لا بديل
وعبثًا تنجح محاولتها في تهدئته فتضطر إلى توديعه مع وعد منها بأن تعود إليه قبل انتهاء اليوم وأنها موجودة إذا احتاجها في أي وقت فليأت إليها

وأثناء لقائها مع بعض أولياء الأمور يناقشونها في أمور ليس لها بها شأن فتخبرهم بأن عليهم التحدث إلى معلمة القاعة الرئيسية وليس معها هي فهي فقط مسئولة عن نشاط واحد في كل قاعة فيترجاها أولياء الأمور في توصيل مطالبهم لمعلمات الفصول فهم لا يستطيعون النقاش معهم وتوعدهم بأن تفعل

تستكمل يومها ولا تنسى من وقت لآخر بأن تتناول قنينتها وترتشف بضع قطرات من المياه حتى لا تنجرح حنجرتها إثر صياحها المتواصل طوال اليوم

تنهي عملها على عجل وتتوجه في الثانية عشر للانصراف لتلحق بالدورة التدريبية التي أرسلتها إليها إدارة التربية والتعليم

تصل إلى حيث تنتظر عربات الأجرة وتستقل إحدى العربات وتنتظر إلى أن يكتمل العدد وأثناء ذلك تخرج حقيبة التفاح وتبدأ في تناوله وتصر على إعطاء من بجاورها ولكن دائمًا ما تفشل محاولتها بالمشاركة فتكمل وجبتها وحدها أثناء الطريق إلى أن تصل إلى مقر التدريب

فتسرع صاعدة إلى حيث الطابق المطلوب وتضع إمضتها الغالية دائمًا في دفتر الحضور ثم تذهب لتؤدي صلاة الظهر في إحدى مكاتب الإداريات لتعود وتستقر أمام جهاز الحاسب المخصص لها لتستريييييييييييييح وتخرج قنينتها وتكملها لآخر قطرة

وتبدأ في تطبيق ما هو مطلوب منها وتساعد من حولها لينجزوا مهامهم فهي بالنسبة لهم "نابغة" يجب الاستفادة منها

وبعد الانتهاء من اليوم الطول تعود إلى المنزل في حوالي الساعة الرابعة لتصلي العصر وتبدل ثيابها وتملأ كوب من الحليب وتتناول معه أية منقنقات بالطريق وتنكفئ على هذا "المخروب" النت لتمارس هوايتها في القتل والتمثيل بجثة الوقت دون أي تأنيب ضمير أو إحساس بالذنب 

لتكتشف بعد تناول الغداء وبعد صلاة العشاء أنها منهكة تمامًا وخائرة القوى وتحتاج لنوم عميييييييييق لا تفيق منه أبدًا وبالطبع لا تنسى عقارات الحديد والفيتامينات قبل النوم

لديها تسجيل صوتي لذلك البرئ الصغير الذي يناشدها البقاء معه ربما رفعته وأرفقته بالمقال في يوم ما

الجمعة، 21 سبتمبر، 2012

حسبي الله ونعم الوكيل

بسم الله الرحمن الرحيم
السلام عليكم ورحمة الله وبركاته

لا حول ولا قوة إلا بالله العلي العظيم

إنا لله وإنا إليه راجعون

اللهم أنت ربي لا اله الا أنت خلقتني وأنا أمتك وأنا على عهدك ووعدك ما استطعت أعوذ بك من شر ما صنعت وأبوء لك بنعمتك علي وأبوء بذنبي فاغفر لي إنه لا يغفر الذنوب إلا أنت

اللهم إني أمتك بنت عبدك بنت أمتك، ناصيتي بيدك، ماض فيا حكمك، عدل فيا قضاؤك، اللهم إني أسألك بكل اسم هو لك؛ سميت به نفسك، أو علمته أحد من خلقك، أو أنزلته في كتابك، أو استأثرت به في علم الغيب عندك؛ أن تجعل القرآن الكريم ربيع قلبي ونور صدري وجلاء حزني وذهاب همي وغمي

اللهم آمين اللهم آمين اللهم آمين

اللهم آتنا فالدنيا حسنة وفالآخرة حسنة وقنا عذاب النار

اللهم يا مقلب القلوب ثبت قلبي على دينك

ربنا افرغ علينا صبرا وثبت أقدامنا وانصرنا على القوم الكافرين

ربنا تقبل منا انك أنت السميع العليم

ربنا واجعلنا مسلمين لك ومن ذريتنا أمة مسلمة لك وأرنا مناسكنا وتب علينا إنك أنت التواب الرحيم

سمعنا وأطعنا غفرانك ربنا وإليك المصير

ربنا لا تؤاخذنا إن نسينا أو أخطأنا ربنا ولا تحمل علينا إصرًا كما حملته على الذين من قبلنا ربنا ولا تحملنا ما لا طاقة لنا به وتب علينا واغفر لنا وارحمنا أنت مولانا فانصرنا على القوم الكافرين

ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب

ربنا إنك جامع الناس ليوم لا ريب فيه إن الله لا يخلف الميعاد

ربنا إننا آمنا فاغفر لنا ذنوبنا وقنا عذاب النار

اللهم مالك الملك تؤت الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير* تولج الليل في النهار وتولج النهار في الليل وتخرج الحي من الميت وتخرج الميت من الحي وترزق من تشاء بغير حساب

رب هب لي من لدنك ذرية طيبة إنك سميع الدعاء

ربنا آمنا بما أنزلت واتبعنا الرسل فاكتبنا مع الشاهدين

ربنا اغفر لنا ذنوبنا واسرافنا في أمرنا وثبت أقدامنا وانصرنا على القوم الكافرين

ربنا ما خلقت هذا باطلا سبحانك فقنا عذاب النار

ربنا إنك من تدخل النار فقد أخزيته وما للظالمين من أنصار* ربنا إننا سمعنا مناديًا ينادي للإيمان أن آمنوا بربكم فآمنا ربنا فاغفر لنا ذنوبنا وكفر عنا سيئاتنا وتوفنا مع الأبرار* ربنا وآتنا ما وعدتنا على رسلك ولا تخزنا يوم القيامة إنك لا تخلف الميعاد

ربنا أخرجنا من هذه القرية الظالم أهلها واجعل لنا من لدنك وليًا واجعل لنا من لدنك نصيرا

ربنا ظلمنا أنفسنا وإن لم تغفر لنا وترحمنا لنكونن من الخاسرين

ربنا لا تجعلنا مع القوم الظالمين

وسع ربنا كل شيء علمًا على الله توكلنا ربنا افتح بيننا وبين قومنا بالحق وأنت خير الفاتحين

ربنا افرغ علينا صبرًا وتوفنا مسلمين

رب اغفر لي ولأخي وادخلنا في رحمتك وأنت أرحم الراحمين

رب لو شئت أهلكتهم من قبل وإياي أتهلكنا بما فعل السفهاء منا إن هي إلا فتنتك تضل بها من تشاء وتهدي بها من تشاء أنت ولينا فاغفر لنا وارحمنا وأنت خير الغافرين

على الله توكلنا ربنا لا تجعلنا فتنة للقوم الظالمين* ونجنا برحمتك من القوم الكافرين

رب إني أعوذ بك أن أسألك ما ليس لي به علم وإلا تغفر لي وترحمني أكن من الخاسرين

فاطر السماوات والأرض أنت وليي في الدنيا والآخرة توفني مسلمًا والحقني بالصالحين

ربنا إنك تعلم ما نخفي وما نعلن وما يخفى على الله من شيء في الأرض ولا في السماء

رب اجعلني مقيم الصلاة ومن ذريتي ربنا وتقبل دعاء* ربنا اغفر لي ولوالدي وللمؤمنين يوم يقوم الحساب

رب ارحمهما كما ربياني صغيرا

رب ادخلني مدخل صدق واخرجني مخرج صدق واجعل لي من لدنك سلطانًا نصيرا

ربنا آتنا من لدنك رحمة وهيء لنا من أمرنا رشدا

رب إني وهن العظم مني واشتعل الرأس شيبا ولم أكن بدعائك ربي شقيا* هب لي من لدنك وليا

رب اشرح لي صدري* ويسر لي أمري* واحلل عقدة من لساني* يفقهوا قولي

رب زدني علمًا

مسني الضر وأنت أرحم الراحمين

لا إله إلا أنت سبحانك إني كنت من الظالمين

رب لا تذرني فردًا وأنت خير الوارثين

رب انزلني منزلاً مباركًا وأنت خير المنزلين

رب أعوذ بك من همزات الشيطان* وأعوذ بك رب أن يحضرون

ربنا آمنا فاغفر لنا وارحمنا وانت خير الراحمين

رب اغفر وارحم وأنت خير الراحمين

ربنا اصرف عنا عذاب جهنم إن عذابها كان غراما

ربنا هب لنا من أزواجنا وذرياتنا قرة أعين واجعلنا للمتقين إماما

رب هب لي حكمًا والحقني بالصالحين* واجعل لي لسان صدق في الآخرين* واجعلني من ورثة جنة النعيم* واغفر لأبي إنه كان من الضالين* ولا تخزني يوم يبعثون* يوم لا ينفع مال ولا بنون* إلا من أتى الله بقلب سليم

رب نجني وأهلي مما يعملون

رب أوزعني أن أشكر نعمتك التي أنعمت عليّ وعلى والديّ وأن أعمل صالحًا ترضاه وادخلني برحمتك في عبادك الصالحين

رب إني ظلمت نفسي فاغفر لي

رب انصرني على القوم المفسدين

ربنا وسعت كل شيء رحمة وعلما فاغفر للذين تابوا واتبعوا سبيلك وقهم عذاب الجحيم* ربنا وادخلنا جنات عدن التي وعدتهم ومن صلح من آبائهم وأزواجهم وذرياتهم إنك أنت العزيز الحكيم* وقهم السيئات ومن تق السيئات يومئذن فقد رحمته وذلك هو الفوز العظيم

ربنا اكشف عنا العذاب إنا مؤمنون

رب أوزعني أن أشكر نعمتك التي أنعمت عليّ وعلى والديّ وأن أعمل صالحًا ترضاه واصلح لي في ذريتي إني تبت إليك وإني من المسلمين

ربنا اغفر لنا ولإخواننا الذين سبقونا بالإيمان ولا تجعل في قلوبنا غلاً للذين آمنوا ربنا إنك رؤوف رحيم

ربنا عليك توكلنا وإليك أنبنا وإليك المصير* ربنا لا تجعلنا فتنة للذين كفروا واغفر لنا ربنا إنك أنت العزيز الحكيم

ربنا أتمم لنا نورنا واغفر لنا إنك على كل شيء قدير

رب ابن لي عندك بيتًا فالجنة ونجني من القوم الظالمين

رب لا تذر على الأرض من الكافرين ديارا* إنك إن تذرهم يضلوا عبادك ولا يلدوا إلا فاجرًا كفارا* رب اغفر لي ولوالديّ ولمن دخل بيتي مؤمنًا وللمؤمنين والمؤمنات ولا تزد الظالمين إلا تبارا

ربنا وتقبل دعاء

الجمعة، 31 أغسطس، 2012

مطروح وأم مروة

بسم الله الرحمن الرحيم
السلام عليكم ورحمة الله وبركاته


الأسبوع اللي فات كنت في مطروح مع العائلة الكريمة وقضينا أسبوع جميل جدًا الحمد لله ولسه راجعة النهارده

مش موضوعنا مطروح خالص .. لأن اللي عاوزة أحكي فيه النهارده خاص برحلة العودة وتحديدًا آخر ساعة فيها

كنا في العربية

ماما موبايلها بيرن "رقم مش متسجل"
ردت
ماما: مدام بسمات معايا؟
...
ماما: أنا مش سامعة حضرتك بس إيناس معايا ثواني أجبها لحضرتك لأني مش سامعة كويس
...
"مدام بسمات دي الموجهة بتاعت التربية والتعليم بتاعتي واللي المفروض إن ماما إتصلت بها من كام أسبوع وطلبت منها تنقلني لحضانة داخل المدينة بدل القرية اللي بسافرلها كل يوم"

أنا أخذت السماعة على أساس اللي بتتكلم هي مدام بسمات وقلت السلام عليكم مدام بسمات؟
قالتلي أنا من طرف أم مروة السورية >_<
أنا: "مش فاهمة أي حاجة وجه في بالي زملتي في الحضانة اللي اسمها مروة وليه واحدة من طرف مامتها تتصل بيا وهي من إمتى سورية أصلا؟ معلوماتي انها مصري" أم مروة مين؟
المتصلة: أم مروة بشرى السورية مرات البشمهندس خالد
أنا: مين بشرى؟ هو مين حضرتك؟ هو حضرتك طالبة مين؟
المتصلة: هو مش أنتي فلانة الفلانية؟؟
أنا: أيوة أنا مين حضرتك؟
المتصلة: أنا واحدة من طرف أم مروة مرات البشمهندس خالد وكنت بدور لابني على عروسة ومدام بشرى قالتلي عليكي مش أنتي برضه بتشتغلي مدرسة حضانة في الحكومة ووالدتك بتشتغل كذا كذا
أنا: "ولسة في بالي انها الموجهة وبكل غباء الدنيا" أيوة أنا
المتصلة: أنا اتصلت عالأرضي ولقيته مرفوع مالخدمة فكنت عاوزة أعرف هل هتوافقي عالمواصفات ولا لأ هو بيشتغل كذا في المكان الفلاني وعنده كذا سنة
انا: >_< طيب انا مش فاهمة حاجة هو عامة إحنا في الطريق حاليًا راجعين من السفر وإن شاء الله ساعة ونوصل البيت
المتصلة: طيب عامة لو حسيتي أنك عندك استعداد لقبول العريس تتصلي بيا لما توصلي وياريت في أقرب فرصة


أنا بقى بعد ما قفلت وكررت الكلام على مسامع العائلة الكريمة وركزت في الكلام اللي المتصلة قالته وفنص الكلام بقول لماما ااااااااااااااااااااه

أم مروة
مدام بشرى
السورية
البشمهندس خالد

أنا ازاي مجاش في بالي

إحم إحم دي تبقى قريبتنا

لكن لأني داخل في دماغي حوار الشغل جه في بالي الموجهة التانية اللي اسمها بشرى وجه في بالي والدة زميلتي والحوار دخل في بعضه والشمس كانت ضاربة في راسي طول الطريق

هو مين اللي طفى النور >_<

واحب اقول لوالدتي العزيزة "تعيشي وتدبسيني يا حاجة"

هههههههههههههههههههههه كان حتة موقف تيييييييييييييييييييييييييييت

الجمعة، 24 أغسطس، 2012

خروجات العيد


بسم الله الرحمن الرحيم

السلام عليكم ورحمة الله وبركاته

الخروج في الأعياد فكرة بالنسبالي غير سديدة بالمرة واكرملي اقضيها في بيتنا

اللي يقولك اللي بيتفسحوا في الاعياد دول بني آدمين زينا ومصريين زينا وعيب قوي لما يكون عندنا نزعات عنصرية منهم ومش عشان الظروف جنت عليهم وخلتهم في مناطق عشوائية وضالة يبقى احنا والزمن عليهم


أحب أقولكم الانسان هو اللي بيخلق البيئة اللي عايش فيها مش بيئته هي اللي بتخلقه

بمعنى

بعد محايلات مضنية من بنات خالاتي اننا نروح نذور العائلة ونتجمع في النادي كنوع من انواع صلة الرحم عشان نكسب ثواب في العيد "وانا كنت رافضة الفكرة تماما لأني مبحبش اخج فالعيد"

المهم فين وفين نزلت معاهم وبعد ما شبه وصلنا للنادي اتصل بينا ابن خالتي وقالنا انه سبقنا عالنادي وانه لقاه قافل


طبعا احنا بصينا حولينا لقينا الدنيا زحمة بشكل وشبه لأول مرة ابقى قلقانة بالشكل دا من البشر

هم فعلا شكلهم غلط مع ان عمرهم لا يتجاوز الـ 18 سنة بس مش عارفة حاسة زي مايكون راكبهم شياطين مجرد بس لما تبصلهم تحس انك في المكان الغلط ومكنش لازم تخرج من بيتك

المهم الحمد لله وصلنا البيت بسلام

وتاني يوم المفروض كنت اروح لأختي في القاهرة عشان ننزل نشتري حاجات مع بعض
اليوم دا انا كنت فاكراه يوم عادي مش تابع للعيد لأن المفروض العيد يوم واحد "الكلام دا على يوم التلات" المهم اكتشفت انه لسة تابع لإجازة العيد وليلتها قرأت عالفيس بووك شوية بوستات خضتني اصلا بقيت تاني يوم صحيت الصبح وبدل ما بكون متحمسة للسفرية كنت قلقانة جدا وقلت دعاء الاستخارة ورحت استأذن بابا عشان اسافر وهو في البداية رفض وهو لو كان صمم على رفضه انا كنت هتخلى عن تصميمي اساسا وخاصة انه كان عايز يفسحنا في اي بلد ساحلي قريبة لمدة يوم ونرجع في نفس اليوم وانا مبحبش اخذل بابا وخاصة لما يكون عايز يخرج او يقعد معايا "ربنا يخليه ليا" المهم اني تمسكت برأيي لأني كنت متفقة مع اخواتي وازواجهم ومكنتش عاوزة اضيع الفرصة وكلمت اختي وصلت لحل وسط مع بابا وهو ان اخويا يسافر معايا

وكذلك على غير العادة كنت مبسوطة جدا انه هيبقى معايا كنت مطمئنة

المهم سافرنا عادي ولما وصلنا القاهرة والمفروض نركب المترو عشان نروح لأختي لقيت كمية من الكائنات الغلط اللي بقولكم عليها دي هائمين على وجوههم داخل محطات المترو بلا هدف ولا غاية 

هدفهم الوحيد انهم يركبوا عربيات "السيدات فقط" ويضايقوا البنات اللي فيها سواء لفظًا او سلوكًا

المهم انا مرضتش اركب لا اول مترو ولا التاني ولا التالت كلهم فيهم ولاد في عربيات البنات وآخر ما زهقت واتنرفزت قلت لأخويا يروح يسأل فين افراد الامن بتوع المترو وازاي يتقاعصوا عن اداء دورهم في ردع هؤلاء "الحثالة" اللي مش عارفين جنسهم اللي بيركبوا عربيات البنات

وبالفعل هو راح لبتوع البوابات وسألهم انتوا ازاي سايبين الرصيف منغير تأمين؟!! وايه المهزلة اللي في المترو دي؟ قالوله دي مهمة شرطة المترو احنا وظيفتنا مقتصرة عالبوابات بس

سألهم وفين شرطة المترو دي؟
شاوروله على اوضة دخلها وشوية ورجعلي

وقال ايه واخدين اجازة

انا عمري ماشفت كدا شرطي ياخد اجازة!! من إمتى دا؟ انا اعرف انهم ياخدوا علاوات بدلات لكن اجازة

دانا فاكرة ايام زمان لما كنا في الاعياد وبشوف عربيات الامن المركزي مرصوصة في المناطق الحساسة زي محطات القطار والسينيمات للحد من الشغب

بجد الدم نط في نافوخي وكان عندي استعداد اقتل اي حد لو فكر يقربلي "وفكرت انا ليه مأخدتش معايا أي سلاح ابيض وانا خارجة من البيت؟!!" ايوة للدرجادي وصلوني بالتفكير لما الشرطى تاخد اجازة يبقى من حقي ادافع عن نفسي بالطريقة اللي اشوفها صح

وقتها اخويا قالي خلاص اللي جاي دا اخر مترو هنستناه ولو لقيت عربية السيدات فيها ولاد هركب معاكي فيها واجبرهم ينزلوا المحطة اللي بعدها لكن مستحيل هخليكي تركبيها لوحدك "وطبعا انا مش هركب العربية المشتركة لأنها عاملة زي علبة السردين" وطبعا الكائنات اللي بتركب عربيات البنات دول مش بيخرجوا برا المترو لما بيوصلوا لمحطة هم عاوزينها لأنهم خارجين من وش الصبح ونيتهم انهم يضايقوا البنات في المترو وبس وبيتنقلوا من مترو لمترو ومن عربية لعربية زي المتسولين والباعة الجائلين بالظبط

المهم الحمد لله ربنا ستر والمترو اللي جه مكنش فيه ولاد "الا القليل اللي شكلهم مش بتاع اذية" ركبت واخويا قالي انه هيركب العربية المشتركة ولو حد ضايقني اتصل عليه وهو يجيلي في المحطة اللي بعدها

الفكرة مش في حوار اليوم كله الفكرة في سبب اللي بيحصل واللي خلاني بجد مش فارق معايا الكائنات دي خالص لدرجة قلت والله خسارة فيهم الحياة اصلا دا لو مصر قامت بحرب نحط دول على خط المشاة في واجهة الجيش عشان يموتوا افيدلهم ولنا واهو نقول داهية ما ترجعهم

ازاي انسان يوصل بقيمته انه يبقى بهذا الشكل وتكون دي قيمته وسط الناس

بحسهم فعلا حيوانات حتى الحيوانات عندها ضمير بيرشدها للصح والغلط
الحيوانات مش بتقتل الفريسة غير لما تكون جعانة

المهم بقى نسيبنا من موال الكئابة اللي فوق دي

انا فرحانة قوي لأني اخيرًا لقيت "الشوزة" اللي كنت بدور عليها بقالي شهووووووووووووور
مبسوطة بيها قوي "اللهم اني أسألك خيرها وخير ما صنعت له واعوذ بك من شرها وشر ما صنعت له" وربنا يفرح قلوبنا جميعا يا رب

الثلاثاء، 21 أغسطس، 2012

حاجة


بسم الله الرحمن الرحيم
السلام عليكم ورحمة الله وبركاته

حاجة

حاجة المفروض اكتبها عشان مسبش المدونة يعشش فيها  العنكبوت

حاجة وخلاص اي حاجة ولسة مش عارفة هكتب ايه

بقالي فترة طويلة قوي مقعدتش على جهازي لدرجة اني ببص لقيت التراب مالي المكتب والكيبورد بس برضه منظفتوش وقعدت اكتب حاليا وهو مترب وانا مقروفة

الحمد لله قبضت الشهور المتأخرة في الشغل وعايزة اجيب لابتوب بس لسة مش عارفة اجيبه انهو نوع واي امكانيات لسة مش مستقرة لأني لسة مش عارفة بكرة اعمل ايه

قدمت في منحة ITI ونتيجة الانترفيو في نص سبتمبر

تقديم الدبلومات بيقفل على نص سبتمبر او اخره

ناس كتير بتشجعني اكمل الطريق اللي مشيت اوله لكن انا مش عاوزة اكمل في جامعة المنصورة دا لو كملت لأني حاسة اني بدفع فلوس على ورقة وانا مستفدتش علم وبيبقى ضغط عصبي عالفاضي

الشغل مخنوقة اه من البلد اللي شغالة فيها وساعات بتجيلي افكار وهواجس ومشاعر سلبية للغاية تجاه البلد دي بتخليني خلاص عاوزة اقلب الكباية باللي فيها ومش عاوزة اكمل في الحكومة

ولما الاقي ناس كتير قوي عمالة تصبرني وتقولي انتي بتأدي رسالة "اللي هي ضاعت مني اساسا" بدعي ربنا يا رب نور بصيرتي وقدرني وثبتني عالصح

المشكلة اني عارفة اني مش زي مالناس متخيلاني بقى بطل سالل سيفه امام جيوش الاعداء لا خالص انا مش كدا ودا بيسببلي ضغط نفسي من نوع اخر

ساعات بلاقي افكار بتنور في بالي وببقى نفسي اطبقها في شغلي لكن سرعان ما تغمر مرة تانية

ربنا يقدرني يا رب

كنت بقول لخالتي انا بحب اللون الاصفر قوي
قالتلي انتي شخصية غيورة

!!!
من مين؟!
غيرة حلوة ولا وحشة طيب؟

أهم حاجة بقى كل سنة وانتم طيبين وربنا يتقبل مننا رمضان

وبالمناسبة اغنية اعلان موبينيل تحفة وعلى رأي بنت خالتي "خسارة في موبينيل"

الخميس، 26 يوليو، 2012

أنا كدا

بسم الله الرحمن الرحيم
السلام عليكم روحمة الله وبركاته
________________

أنا كدا ومعرفش أكون غير كدا
واللي عايز يقبلني بكلي على بعض وتناقضاتي أهلا وسهلا واللي مش عاجبه برضه أهلا وسهلا

لكن نقدر نقول اني شروة على بعضي

بمعنى
الحاجة اللي تخصني او لها علاقة بيا دي بالنسبالي جزء من كياني وكرامتي ممكن انا مبقاش حباها اه لكن مسمحش لحد يعيب فيها

بمعنى

مدينتي، محافظتي، بلدي، أخويا، أختي، عائلتي، هدومي، اكسسواراتي، استايلي

أي حاجة بمعنى أي حاجة

ودي من الحاجات اللي ممكن تخليني ابعد تدريجيًا عن أشخاص مأسائوليش في حاجة غير بس انهم أساءوا لشيء له علاقة بيا

هو دا مبدئي اللي يحبك يحبك على بعضك بكل حاجة انت بتحبها وان مكنش خلاص يادار ما دخلك شر ومفيش عداوة بس المعاملة هتكون زي باقي الناس

اللي كتير قوي مش فاهمينه ان ممكن انا واخويا نتخانق اه
نتعاتب اه
نتخاصم حتى اه
ممكن تعدي ايام ومحدش فينا يبص في وش التاني اه

لكن قدام الناس احنا اخوات واخوات قوي كمان
وقت ما حد فينا هيحتاج حاجة من التاني هيطلبها

ووقت ما حد يتكلم قدامي عليه انا عندي استعداد اكله

مش معنى اني متضايقة منه ان الدم اتحول لمية

وطول ما هو لصيق بشخصيتي طول ما كرامته من كرامتي
واللي يحاول يفكر يضايقه يبقى بيضايقني

طبعا دا كان تشبيه عشان اقرب الصورة

بمعنى ان نفس الوضع بينطبق على حد يبقى بيكلمني وبينتقد في الناس اللي بيلبسوا زيي مثلا

او ينتقد البلد اللي انا عايشة فيها

من الآخر

كل حاجة حولينا بتبقى مليانة بلاوي زرقا وخضرة وحمرا ومش طايقنها

لكن انا بيني وبين نفسي ابقى بلعنها شيء

وان حد يتدخل ويسبها او يلعنها قدامي دا شيء تاني


من الآخر كذلك

خط أحمر

الأربعاء، 25 يوليو، 2012

اختناق

بسم الله الرحمن الرحيم

السلام عليكم ورحمة الله وبركاته

أحاول الابتعاد عن المشاكل والضغوط ولكن يبدو أنها تلاحقني باستماتة

الحياة ليست بهذا السوء ولكنني أنا التي تنظر إليها من النافذة الخلفية


أهي خيانة أو ضعف انتماء أن أضيق ببلادي وأهلها وأتمنى الفرار منها

إما هذا أو الفرار من الدنيا بمن فيها

لا أحب هذه الحالة من ضعف الإيمان التي وصلت لها والتي تجعلني أصاب بالاحباط كل صباح عند اكتشافي بأنني لازلت على قيد الحياة

لا حول ولا قوة إلا بالله العلي العظيم

كيف يمكنني الوصول لنافذة واجهة منزلنا؟ لأرى الحياة بألوانها المختلفة

الثلاثاء، 24 يوليو، 2012

رسالة

بسم الله الرحمن الرحيم
السلام عليكم ورحمة الله وبركاته

رسالة

من واحدة بتشتغل في مكان مش طايقاه ولا طايقة اللي شغالين معاها
واحدة اتصدمت ان فعلا العمل الحكومي "الا ما رحم ربي" وسط سيء جدًا للعمل

واحدة مخنوقة ومكانتش تتصور انها تحتك ببعض شخصيات زي اللي بتضطر تتعامل معاهم

واحدة بالاضافة لكل اللي هي حاسة به والمشاعر السلبية البغيضة اللي بتكنها لمحيط العمل بتاعها فهي كمان مقبضتش مرتبها بقالها 4 شهور بسبب تقاعص موظفة المرتابت عن أداء وظيفتها

واحدة نفسها النهاردة قبل بكرة تطلب عمل تحقيق للموظفة المتقاعصة عن العمل دي لكنها على الرغم من كدا مبتحبش تشتغل في ضغوط "اكتر من اللي هي فيها" فبتحاول تتجنب اثارة المشاكل مع الغير

نفسي افهم حاجة
الواحدة اللي توصل معاها حالتها النفسية السيئة بسبب رفضها للمكان اللي بتشتغل فيه انها تخس لدرجة يبان عليها والناس تسألها انتي بتخسي كدا ليه؟

توصل معاها لدرجة انها تبقى نفسى تختفي من الوجود لما موبايلها يرن باسم اي حد من اللي تبع الشغل بتاعها

واحدة تتمنى ييجي اليوم اللي قولوا عليها البقاء لله قبل ما تنزل الشغل

واحدة بكل المشاعر السلبية دي نفسي افهم ايه اللي مخليها تقبل وضع زي دا؟!

نفسي ربنا يعينها ويحسن نظرتها للحياة ويخليها نظرة إيجابية اكتر من كدا ولو حتى تبقى نظرة محايدة

الأحد، 22 يوليو، 2012

أنت!!!

بسم الله الرحمن الرحيم
السلام عليكم روحمة الله وبركاته


من أنت؟
ولماذا أنت؟
ومن أين أتيت؟
وإلى أين ستأخذنا؟
ومتى تأتي؟
وكيف تكون؟

تساؤلات تقلقني أحيانًا وتطمئنني أحيان أخرى

الأربعاء، 18 يوليو، 2012

أنا بحبني

بسم الله الرحمن الرحيم

السلام عليكم ورحمة الله وبركاته
انا بحبني
وبحب حاجة معرفش هي ايه
وبحب حد معرفش هو مين
وحابة حالتي اللي مش عارفة هي عبارة عن ايه

مبسوطة قوي وحاسة ان ربنا هيفرجها عليا قريب
وأحب أقول لفارس المستقبل "حلمت بك من كام يوم على فكرة وكنت فرحانة قوي"

انا مش هحكي الحلم لأني مش فاكراه كله بس هوصف شعوري اللي كان فيه واللي حاسة ان قلبي لسة حاسس به الى الآن

انا كنت مروحة من الشغل وكنت متضايقة "كطبيعة مرواحي من الشغل يعني ودا العادي" انا رايحة وانت جاي

مش فاكرة مين اللي كانت جنبي ومش واخدة بالي من اللي كان جنبك

المهم اني حسيت اني اتخطفت من جوايا لما عديت جنبي ومعرفش منين عرفت ان جالك نفس الشعور

بصتلك ولفيت وانا ماشية وكذلك انت

رجعت بصيت قدامي ومشيت و"كابرت" لأن بطبيعة "كوني جوهرة"؛ الكبرياء لازم يغلفها حاولت انت تقرب انا مشيت

مشيت وانا نفسي تيجي ورايا

وقلبي كان هيقف لما اكتشفت انك فعلا مكدبتش خبر ورحت اتقدمت لوالدي

يا نهار ابيض شعور غريب بجد والاغرب اني متخيلتش انه يبقى واقعي قوي كدا في حلم

وفي النهاية كان مجرد حلم

وأديني حتى معرفش شكل فارس المستقبل ايه

هو يا انت كنت بشكل زمان ودلوقتي اختلفت يا انا بقى اللي احلامي مش مركزة

حلمت بك من ييجي اربع سنين كنت بشكل

ومن كام يوم لقيتك طول بعرض اسمراني شوية وعندك شنب

عامة الواحد بيشوف افلام "احلام" حلوة كتير في سنيما الأحلام

وهقول لفارس المستقبل حاول تلاقيني بسرعة "بس على مهلك عشان متعملش حادث فالطريق" ^^