الثلاثاء، 21 أغسطس 2012
بسم الله الرحمن الرحيم
السلام عليكم ورحمة الله وبركاته
حاجة
حاجة المفروض اكتبها عشان مسبش المدونة يعشش فيها العنكبوت
حاجة وخلاص اي حاجة ولسة مش عارفة هكتب ايه
بقالي فترة طويلة قوي مقعدتش على جهازي لدرجة اني ببص لقيت التراب مالي المكتب والكيبورد بس برضه منظفتوش وقعدت اكتب حاليا وهو مترب وانا مقروفة
الحمد لله قبضت الشهور المتأخرة في الشغل وعايزة اجيب لابتوب بس لسة مش عارفة اجيبه انهو نوع واي امكانيات لسة مش مستقرة لأني لسة مش عارفة بكرة اعمل ايه
قدمت في منحة ITI ونتيجة الانترفيو في نص سبتمبر
تقديم الدبلومات بيقفل على نص سبتمبر او اخره
ناس كتير بتشجعني اكمل الطريق اللي مشيت اوله لكن انا مش عاوزة اكمل في جامعة المنصورة دا لو كملت لأني حاسة اني بدفع فلوس على ورقة وانا مستفدتش علم وبيبقى ضغط عصبي عالفاضي
الشغل مخنوقة اه من البلد اللي شغالة فيها وساعات بتجيلي افكار وهواجس ومشاعر سلبية للغاية تجاه البلد دي بتخليني خلاص عاوزة اقلب الكباية باللي فيها ومش عاوزة اكمل في الحكومة
ولما الاقي ناس كتير قوي عمالة تصبرني وتقولي انتي بتأدي رسالة "اللي هي ضاعت مني اساسا" بدعي ربنا يا رب نور بصيرتي وقدرني وثبتني عالصح
المشكلة اني عارفة اني مش زي مالناس متخيلاني بقى بطل سالل سيفه امام جيوش الاعداء لا خالص انا مش كدا ودا بيسببلي ضغط نفسي من نوع اخر
ساعات بلاقي افكار بتنور في بالي وببقى نفسي اطبقها في شغلي لكن سرعان ما تغمر مرة تانية
ربنا يقدرني يا رب
كنت بقول لخالتي انا بحب اللون الاصفر قوي
قالتلي انتي شخصية غيورة
!!!
من مين؟!
غيرة حلوة ولا وحشة طيب؟
أهم حاجة بقى كل سنة وانتم طيبين وربنا يتقبل مننا رمضان
وبالمناسبة اغنية اعلان موبينيل تحفة وعلى رأي بنت خالتي "خسارة في موبينيل"
كنت بقول لخالتي انا بحب اللون الاصفر قوي
قالتلي انتي شخصية غيورة
!!!
من مين؟!
غيرة حلوة ولا وحشة طيب؟
أهم حاجة بقى كل سنة وانتم طيبين وربنا يتقبل مننا رمضان
وبالمناسبة اغنية اعلان موبينيل تحفة وعلى رأي بنت خالتي "خسارة في موبينيل"
الاشتراك في:
تعليقات الرسالة (Atom)
13 آراءكم:
كل سنة وأنتِ طيبة وبألف خير وصحة وسعادة إن شاء الله أنتِ وأسرتك الكريمة وإن شاء الله يكون عيد سعيد عليكم جميعاً بإذن الله :)
تحياتنا
كل سنة وانت بكل الخير :)
وحضرتك طيب وبالصحة والسلامة يا باشا والمدام والاهل وعقبال العيد الجاي لما يبقى عندكم بامبينو صغنون
شرفتني
وحضرتك طيب وبالصحة والسلامة
كل سنة وانتى بالف خير
نفس احساسىوانا بدور على نفس الحاجة
انا هجيب دل i5 سالت عليه وقالوا ابن ناس :)
كل سنة وانتى طيبة يا حبيبتى
كلمات ولحن أغنية اعلان موبينيل فعلاً رااائع جداً :)
وانتي بالصحة والسلامة يا ريمى
بجد!! هشوفه وربنا يسهل
وانتي بالصحة والسلامة يا مونمن
^^
hhhhhhhhhhhh tant meen l 2aletlk kda :P :P
طنطي "الكبيرة" ^_* لزوم السكرتة وكدا افهميها انتي بقى
aaaaaaaaaaaaah l kbeeera :P :P
الأصفر :
بريء ولطيف ... يثق بك الكثير من الناس ... لديك طبيعة قيادية جداً في العلاقات المختلفة ... اختياراتك جيدة ... تعمل الرأي الصحيح في الوقت المناسب ... تحلم دائما بعلاقة رومانسية ... تمتلك عقل تجاري ... تحب ان تتفاخر بمستوى تعليمك ... تسعى جاهدا لتحقيق الربح ضمن أي عمل يحتاج جهود عقلية ... تستطيع ان تكون قائد جيد ... ترتب دماغك بطريقة منهجية ... كل تفصيل تحلله بدماغك قبل ان تخطو اي خطوة ... الالعاب الاستيراتيجية تستحوذ اهتمامك ... عنيد قليلاً ... عندما تكون تحت ضغط تحب ان تخفي مشاعرك ... و عندما تبين انك واقع تحت الضغط فهذا دلالة على ضعفك ... لا تدعو الكثير من الناس لحياتك ... لديك صديق او اثنين مقربين فقط و تفكيرهم عملي مثلك ... لا تعتمد على احد غيرك ... النساء الذين يحبون هذا اللون ربما يضعون اكسسوارات كبيرة ولكن يبقى ذوقهم رائع ... مغامر بطبعك ... تبحث عن الابداع و الانجاز الذاتي ... تحب الحرية في كل شيء ... تخاف الفشل والانتقادات ... منطلق جدا و غيور جدا .
إيه رأيك بدا؟ ;)
ههههههههههههههههه
مية مية
ربنا يخليكي ليا يا زوزو يا حلوة ^_^
إرسال تعليق