الثلاثاء، 27 أبريل، 2010

بسم الله الرحمن الرحيم
السلام عليكم ورحمة الله وبركاته

لأ بجد هبل هبل يعني
لما تطلع رخصة قيادة وأنت قاعد في بيتكم وأنت أصلًا مبتعرفش تسوق حتى عجلة
يبقى أنت أكيد أكيد في مصر

لقيت ماما رايحة تجدد الرخصة بتاعتها قلتلها أني عوزة أعمل رخصة قالتلي هاتيلي صورتين ليكي بالنظارة عشان الشهادات المطلوبة

إدتلها الصور وأنا مش عارفة لسة إيه هي الشهادات المطلوبة

وإذا بماما ربنا يخليهالي يا رب رجعالي النهاردة ومعاها 3 شهادات طبية ومتدبس فيها صوري طبعًا

أول شهادة
ولله الحمد مكتوب فيها أن المذكورة أعلاه -اللي هي حضرتي طبعًا- لديها حدة إبصار بدرجة 6\6 في العين اليمنى و6\9 في العين اليسرى

بقول لماما هما مين قالهم هو حضرتك وديتلهم نتيجة آخر كشف أنا عملته؟ قالتلي لأ دي حاجة كدة بالإحساس
لأ والأدهى والأمر مكتوب لا تعاني من مشاكل في تحديد الألوان لاموآخذة بقى إيش عرفهم إني معنديش عمى ألوان؟ -الحمد لله يعني إني مش عندي- لكن هل دي كمان استشفوها من الصورة؟

المهم ما علينا ممكن نقول ناس عندها ثقة في الغير ووثقوا في كلام ماما

نيجي للشهادة التانية
واللي كاتبين فيها أن فصيلة دمي AB+ وهو دا بقى اللي مسمحش بيه أبدًا لأن فصيلة دمي B+ مش زي ماهم كاتبين معنى كدا إني لو عملت حادثة -لا قدر الله بعد الشر عليا- هيروحوا يحطولي دم غير فصيلة دمي ويموتوني بقى؟

الشهادة التالتة وآه من الشهادة التالتة
بعد الكشف على المذكورة أعلاه إتضح أنها لا تعاني من أمراض باطنة ولديها إتزان سليم وبنيان سليم وحاجة كدة كمان سليمة -بس مش عارفة اقراها لأن خط الدكتور وحش قوي-
وفي النهاية ولا يوجد مانع من منحها رخصة قيادة

طيب ودول أقول عليهم إيه؟ كشف إيه اللي كشفوه عليا إذا كنت أنا أصلًا مرحتش العيادة ولا شفت شكلها

وبالطريقة دي تقدر تطلع رخصة قيادة

ودمتم

وبنسأل حوادث الطرقات كتير ليه في البلد

كشف إيه اللي أنت جاي تقول عليه؟ أنت عارف قبله معنى الرخصة إيه؟

الأربعاء، 21 أبريل، 2010

ممنوع على المغتربين

بسم الله الرحمن الرحيم
السلام عليكم ورحمة الله وبركاته



بداية أختي ممنوع تسمعيها انا حذرتك

الأغنية دي أنا بعيط وأنا عمري ما سافرت برة مصر
أمال لو سافرت وسمعتها ايه يحصلي

ودي كلماتها
لفرقة عمار الشريعي

واحنا فايتين عالحدود ... مستمرين فالصعود
واحنا فايتين عالحدود ... مستمرين فالصعود
اختفى النيل الجميل من تحتنا ... و المدن والريف وأول عمرنا

و ابتدى شئ ينجرح جوة الوجود
و ابتدينا اسئله مالهاش ردود
ملنا عالشباك نخبى دمعة فرت مننا
ملنا عالشباك نخبى دمعة فرت منننا

بصة مالشباك على البحر البعيد
و احنا رايحين بالأمل عالم جديد
كنت فاكرة يا مصر أني تعبت منك
و اكتشفت أنى محال استغنى عنك
حتى دوشة صوت جيراني
و الزحام وحشوني تاني
بسمة حلوة لطفلة لسة صغيرة
لما كنت أديها حتة سكرة
قبل ما نسيبك وحشتينا يا مصر يا أمنا
قبل ما نسيبك وحشتينا يا مصر يا امنا

و ابتدى شئ ينجرح جوة الوجود
و ابتدينا أسئلة ملهاش ردود
ملنا عالشباك نخي دمعة فرت مننا

ملنا عالشباك نخي دمعة فرت مننا


كنت باتذكر وأنا فى غاية الأسى
لعبنا الكورة ف-حوش المدرسة
والشقاوة واحنا لسه صغيرين
و البراءة والصحاب الطيبين
لما سألتنى اللي جنبي
أنت مصري!! دق قلبي
اسم زى السحر رفرف عالمكان
زى نسمة مهفهفة بصوت الأدان
أيوة مصريين لآخر كل نقطة ف-دمنا
أيوة مصريين لآخر كل نقطة ف-دمنا

و ابتدى شئ ينجرح جوة الوجوووووووود
و ابتدينا أسئلة ملهاش ردود
ملنا عالشباك نخبي دمعة فرت مننا
ملنا عالشباك نخبي دمعة فرت مننا


من وجوه من تلج وعيون من قزاز
شوقي زاد للعشرة والناس العزاز
و ابتديت أكتب وانا فوق السحاب
ابتديت يا حبيبى في ... أول جواب
مصر أنتي حتة مني
مش مجرد اسم وطني
قالوا فاضل نص ساعة عالوصول
قولت إيه معنى الساعات ولا الفصول
إلا فى الأرض اللى فيها ذكرياتنا وحبنا
إلا فى الأرض اللى فيها ذكرياتنا وحبنا

و ابتدى شئ ينجرح جوة الوجود
و ابتدينا أسئلة ملهاش ردود
ملنا عالشباك نخبي دمعة فرت مننا
ملنا عالشباك نخبي دمعة فرت مننا
اااااااااااااااااااا

الاثنين، 19 أبريل، 2010

صنع في مصر



بسم الله الرحمن الرحيم
السلام عليكم ورحمة الله وبركاته

Made in Egypt

متى نرى هذه الكلمة حقًا ملصقة على المحلات التجارية
وعلى الماركات في الملابس والأحذية والسجاد الذي اشتهرت به مصر دون غيرها من البلدان

متى أرى أبناء مصر يصرون على شراء المنتجات التي تحمل هذا اللقب "صنع في مصر"

مت أجد استهجان المصريين من المنتجات الصينية رخيصة الثمن وقليلة القيمة والتي تتلف بعد يومين
وإن كنا "بنتخم" بالفعل وبنشتري الصيني بأغلى الأسعار ونكتشف بعد يومين انه مكنش يستحق تمن ثمنه

أشهدك يا مصر أني أبحث عن هذه الكلمة عند نزولي للتسوق

صنع في مصر

لكم أنتشي عندما اجد شيء له جودة عالية ويحمل هذا "التكت" المكتوب عليه صنع في مصر

عوزة أعمل مؤسسة صنع في مصر
حزب صنع في مصر
جمعية صنع في مصر
جريدة صناع مصر

غصة بحلقي

بسم الله الرحمن الرحيم
السلام عليكم ورحمة الله وبركاته


لا حول ولا قوة إلا بالله العلي العظيم

يا الله يا أرحم الراحمين هل يرضيك ما نحن فيه

يا رسولنا الكريم هل يرضيك ما بقيت عليه أمتك؟!

لا إله إلا أنت سبحانك إني كنت من الظالمين

لست أجد تفسيرًا لما يحدث بيننا حقًا

هناك خلايا سرطانية خبيثة لن تستقيم إلا بعد أن تنهش كل أعضاء الوطن العربي

وطالما أن هذا العنصر الصهيوني اللعين بيننا فلن تصلح الذات بيننا

اللهم عليك بهم فليس لي من امري إلا الدعاء

فهم قوم لا يتمنون لنا إلا كل شر ولا يشقيهم إلا ظهور أنعمك علينا

اللهم جلالتك أدرى بما يدور بصدورهم فعليك بهم يا أرحم الراحمين

يا رب العالمين

الأحد، 18 أبريل، 2010

ارتق

بسم الله الرحمن الرحيم
السلام عليكم ورحمة الله وبركاته

ندخل في الموضوع على طول بعد إذنكم من غير مقدمات


.. سواء صور أو فيديوهات أو مناقشات
مش كل حاجة أو أي حاجة تقدر تحطها كدة على الملأ من غير ما تتوقع رادع إجتماعي من قيم وتقاليد مجتمعك اللي بيربطك

يا جماعة بجد أنا بتأذى كتير جدًا من مدونين بيحطوا صور غير لائقة على مدوناتهم أو فيديوهات فيها مناظر مش لطيفة
أو حتى مناقشة بعض الموضوعات المخجلة بطريقة غير هادفة

طيب أنا بتساءل دلوقتي اللي بيعمل كدة مبيبقاش حاسس أنه بيعمل حاجة مضادة للفطرة السليمة؟!
طيب هل هو بيعتقد كدة أنه هيظهر في عيون الناس على أنه إنسان متحضر رومانسي راقي؟

هل احنا بنعدي الحاجات اللي بتخرج من تحت أيدينا والكلمات اللي بتطلع مننا على فلاتر قبل ما نخرجها لحيز الوجود

ولا احنا أصلا معندناش الفلاتر دي؟
أول فلتر العقل يليه فلتر الضمير يليه فلتر القيم الاجتماعية والخوف من النقد

وطبعا فلتر الضمير ده جواه الفلتر الديني اللي بيقولك يابني الصور دي ميصحش تبقى أنت السبب في نشرها
يا بنتي الكلام ده ميصحش يتقال
يا والدي الفيديو ده هيتفرج عليه فئات عمرية مختلفة

يا ريت كل واحد مننا يحاول يراعي ربنا في اللي بيخرج منه سواء كلمات أو ميديا بيساعد في نشرها
يا ريت نراعي ضميرنا وقيمنا اللي عمرها مكان الهدف منها التخلف ولا الرجعية قد ما الهدف منها الردع الاجتماعي لكل نفس خبيثة تحاول الظهور في زي الملائكة

مش حلو لما أحط صورة فيها بنت وولد حاضنين بعض مش منظر حتى لو كانوا زوجان أنا إيه ذنبي أشوف اتنين عمالين يفعصوا في بعض على الملأ ما يشوفولهم حيطة تداريهم

ولا صورة واحدة كاشفة أكتر ماهي مغطية حتى لو كانت رسمة والرسوم توحي بالواقع

ولا مالي أنا أشوف فيديو وأضطر أدور وشي في نصه علشان المناظر اللي فيه

يا جماعة بجد دي ذنوب بتتحط في ميزاننا ومش هنخسر حاجة لو منشرناش الحاجات دي
{مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ }ق18
محناش يعني بنكسب عليها فلوس
داحنا حتى لو بنكسب عليها فلوس أعتقد فلوسها تبقى حرام

في النهاية أحب أقدملكم نشيد أنا بحبه جدًا وأتمنى يعجبكم

فارتق



فارتق في الخير و ارقى أفقا إنها العليـاء تبغي مسلما

أنت عنوان لأمجـاد الألـى فاهجر الأوحال و اصعد في السما

لن ترى يوما و نجمك آفل فارفع الرايات و امض قدما

أسرج القنديل و اشعل همة و اركب الأهوال مهما أظلما

فارتق في العزم دوما و كن شامة في الناس رمزا ملهــما

من يروم المجد يجري أدمعا تحت جنح الليل...ليلا معتما

أو يثير النقع في وجه العدا إن للجنات سحرا محكـما

فارتق في العزم دوما و كن شامة في الناس رمزا ملهما

الأربعاء، 14 أبريل، 2010

غدًا تمطر

هييجي الحب يا قلبي متسبقهوش ومهما تقول نسى وعده متندهلوش

السبت، 3 أبريل، 2010

إياك

بسم الله الرحمن الرحيم
السلام عليكم ورحمة الله وبركاته

هناك بعض المواقف التي تستوقفني في التفكير والتحليل وأجد نفسي أمامها أقول إياك يا نفسي أن تفعلي كذا أو كذا

من هذه المواقف مثلا
أجدني أقول لنفسي إياك يا نفس أن تأخذي موقف بين شقيقين على حساب الآخر؛ فما أن تهدأ الأمور حتى تجدي أنك -وإن كنت على حق في موقفك- قد أصبحتي مستبعده، أو لم تعد المياه تجري بسلاسة كما السابق في جدول صداقتكما

وموقف آخر يستوقفني ...إياك
إياك أن تصادقي الكذاب فإن الكذب مفتاح لكل المعاصي والشرور

وهناك أقول لنفسي إياك
أن تسمعي لأحد يتحدث عن أحد، أو أن تنصتي لأخبار أحدهم من شخص آخر؛ فلو أراد شخص أن يحيطك علمًا بجديده؛ فسوف يفعل من تلقاء نفسه، ولو لم يرد ذلك؛ فمعرفتك بالأمر ربما تفسد عليك صفوك ليس إلا، وتأكدي أن من ينقل لك ينقل عنك؛ فلا تثقين في ناقل الكلام أبدًا

وتقول نفسي إياك إياك
إياك أن تستعيري كتاب من أحدهم ثم "تضربي عليه" أو تضيعيه أو تتلفيه أو يظهر أثر استعمالك له فكما أخذتيه أعيديه وحاولي أن تعيديه في أقرب وقت ممكن، فمن يملكون الكتب يعتبرونها أصدقاء وأعتقد ليس من السهل أن يغفر أحدهم في إتلاف صديقه... عن تجربة فإني أستطيع أن أغفر لأي شخص أي فعل لكنني لم أستطع إلى الآن أن أسامح من يتلفون كتبي أو لا يردونها إليّ على الرغم من رغبتي في الغفران

وفي النهاية تقول لي نفسي إياك
إياك أن تحنسي بوعودك مهما كانت الظروف، أو لو كنت لا تضمنين ظروفك فمن الأفضل ألا توعدي من الأساس، مع العلم أن كلماتك هي الوعود فلا تبالغي في صرفها هنا وهناك دون اكتراث، فمن كثر كلامه كثرت أخطائه، والعهد كالسيف إما ان يفتح لك الطريق إلى قلوب البشر عند وفائك به، وإما أن يقطع صورتك إربًا أمام أعين الغير إذا تخازلت عنه، حتى لو كان في أشياء تافهة ومتوقع عدم الوفاء بها

هذه كانت بعض المواقف التي تذكرتها الآن
ولازال هناك الكثير
يقول لنا إياكم

الجمعة، 2 أبريل، 2010

أيوة أنا كدة

بسم الله الرحمن الرحيم
السلام عليكم ورحمة الله وبركاته
شوية قصاقيص من مشاعري الداخلية المتضاربة

*_*_*_*_*
كان يوم جميل قوي وأنا بجد فرحت بيه جدا مليون مبارك يا حلوتي وربنا يتمملكم على خير يا رب ويسعدكم دائما
ماشاءالله ربنا يحميكم حستكم لايقين قوي على بعض الله أكبر
بقالي كتير محستش بفرحتي بفرح من جوايا زي كدة
يمكن عشان الحفلة مكنش فيها بنات كتير واللي موجودين كلهم أعرفهم
D:
كنت مبسوطة بنفسي بصراحة ومحرجة في نفس الوقت
مبسوطة لأني مرضتش أقوم من مكاني كالعادة ودي مسألة مبدأ عندي
كنت محرجة لأن مكنش في أي حد قاعد جنبي لدرجة ان الناس كانت بتبص عليا
بس في النهاية كان كله على بعضه يوم محسوب ليا في مقياس السعادة جزاكم الله خير أن كنتم السبب فيها

_*_*_*_*_
ببقى نفسي أخبط دماغي في الحيط لما برجع بذاكرتي لورا كدة شوية وأفتكر موقف عملته ومكنش لازم أتصرف فيه بالشكل ده
وكعادتي أحيانا في النظر لطرف مغلوط من المشكلة عندما أكون داخل المشكلة ويعمل أحدهم على تسخيني مع أنني أبرد ما أكون بالنسبة لمشاعر البشر فأجدني بالفعل لا أنفعل على الناس ولكن أقوم بتصرفات لو كنت على دراية بالموقف بالكامل لكنت تصرفت بصورة مختلفة كثيرا عنها
وقت أن أتذكر شيء كهذا أجدني أصدر صوت إيييييييييي مكبوت أود لو كان يخرج كصرخة تغيير ما كان
ولكن بالفعل لا يفيد البكاء على اللبن المسكوب

*_*_*_*_*
عندما أتغر بقدرتي بالحكم على الآخرين وأتخيل لهم صورة وتسير معي هذه الصورة لوقت ربما طال أو قصر
وأتفاجأ
وأندهش
إيه دا؟!
هو مش كدة؟ @:
ثم أعود مرة أخرى لأعيد صياغة الحوار ولكن بالمفهوم الصحيح هذه المرة
وأجدني وقتها في قمة الهبل والسخافة والجهل
عادي لحظات غباء

_*_*_*_*_
ماذا عساي أن أفعل عندما تجلدني الذكريات!!
لو كان الأمر بيدي لمزقت تلك السويعات...
كتير برددها العبارة دي
وبرجع أقول لنفسي مانتي لو تتأني شوية في تفكريك هتوصلي أنك تتخلصي من العبارة دي نهائي
بس أرجع وأقول إنه الغباء البشري على رأي عبد الوهاب مطاوع الله يرحمه

_____
*****
وبس خلاص