الثلاثاء، 24 يوليو 2012
بسم الله الرحمن الرحيم
السلام عليكم ورحمة الله وبركاته
رسالة
من واحدة بتشتغل في مكان مش طايقاه ولا طايقة اللي شغالين معاها
واحدة اتصدمت ان فعلا العمل الحكومي "الا ما رحم ربي" وسط سيء جدًا للعمل
واحدة مخنوقة ومكانتش تتصور انها تحتك ببعض شخصيات زي اللي بتضطر تتعامل معاهم
واحدة بالاضافة لكل اللي هي حاسة به والمشاعر السلبية البغيضة اللي بتكنها لمحيط العمل بتاعها فهي كمان مقبضتش مرتبها بقالها 4 شهور بسبب تقاعص موظفة المرتابت عن أداء وظيفتها
واحدة نفسها النهاردة قبل بكرة تطلب عمل تحقيق للموظفة المتقاعصة عن العمل دي لكنها على الرغم من كدا مبتحبش تشتغل في ضغوط "اكتر من اللي هي فيها" فبتحاول تتجنب اثارة المشاكل مع الغير
نفسي افهم حاجة
الواحدة اللي توصل معاها حالتها النفسية السيئة بسبب رفضها للمكان اللي بتشتغل فيه انها تخس لدرجة يبان عليها والناس تسألها انتي بتخسي كدا ليه؟
توصل معاها لدرجة انها تبقى نفسى تختفي من الوجود لما موبايلها يرن باسم اي حد من اللي تبع الشغل بتاعها
واحدة تتمنى ييجي اليوم اللي قولوا عليها البقاء لله قبل ما تنزل الشغل
واحدة بكل المشاعر السلبية دي نفسي افهم ايه اللي مخليها تقبل وضع زي دا؟!
نفسي ربنا يعينها ويحسن نظرتها للحياة ويخليها نظرة إيجابية اكتر من كدا ولو حتى تبقى نظرة محايدة
الاشتراك في:
تعليقات الرسالة (Atom)
6 آراءكم:
انا البوست ده وجعني اووووووووووووووووووي عشان هو ده كل االلي انا حاسة بيه حاليا
بس انا قررت ماسكتش وبحاول اروح مكان تاني عشان اعرف المشكلة فيا والا فيهم واللا في كل مكان شغل
":((((((
:)
انا حاولت اروح مكان تاني بس للأسف في اللحظة الأخيرة ظهرلي عائق كبير ألا وهو "عجز في الموظفين" ومضطرة انتظر في نفس المكان سنة كمان >_<
سنة من عمر الانسان :(
سعيدة بزيارتك يا نهر شرفتيني :)
انتي غيرتي دلوقتي شغلك مش كدا؟
لأ زي مانا فنفس الشغل فنفس المكان
بس ربنا بيصبرني ^_^
ادعيلي ربنا يثبتني عالخير
آمين يا رب ان شاء الله ... ربنا معاكي
نحن واياكم يا زوزو
إرسال تعليق