الجمعة، 31 أغسطس 2012
بسم الله الرحمن الرحيم
السلام عليكم ورحمة الله وبركاته
الأسبوع اللي فات كنت في مطروح مع العائلة الكريمة وقضينا أسبوع جميل جدًا الحمد لله ولسه راجعة النهارده
مش موضوعنا مطروح خالص .. لأن اللي عاوزة أحكي فيه النهارده خاص برحلة العودة وتحديدًا آخر ساعة فيها
كنا في العربية
ماما موبايلها بيرن "رقم مش متسجل"
ردت
ماما: مدام بسمات معايا؟
...
ماما: أنا مش سامعة حضرتك بس إيناس معايا ثواني أجبها لحضرتك لأني مش سامعة كويس
...
"مدام بسمات دي الموجهة بتاعت التربية والتعليم بتاعتي واللي المفروض إن ماما إتصلت بها من كام أسبوع وطلبت منها تنقلني لحضانة داخل المدينة بدل القرية اللي بسافرلها كل يوم"
أنا أخذت السماعة على أساس اللي بتتكلم هي مدام بسمات وقلت السلام عليكم مدام بسمات؟
قالتلي أنا من طرف أم مروة السورية >_<
أنا: "مش فاهمة أي حاجة وجه في بالي زملتي في الحضانة اللي اسمها مروة وليه واحدة من طرف مامتها تتصل بيا وهي من إمتى سورية أصلا؟ معلوماتي انها مصري" أم مروة مين؟
المتصلة: أم مروة بشرى السورية مرات البشمهندس خالد
أنا: مين بشرى؟ هو مين حضرتك؟ هو حضرتك طالبة مين؟
المتصلة: هو مش أنتي فلانة الفلانية؟؟
أنا: أيوة أنا مين حضرتك؟
المتصلة: أنا واحدة من طرف أم مروة مرات البشمهندس خالد وكنت بدور لابني على عروسة ومدام بشرى قالتلي عليكي مش أنتي برضه بتشتغلي مدرسة حضانة في الحكومة ووالدتك بتشتغل كذا كذا
أنا: "ولسة في بالي انها الموجهة وبكل غباء الدنيا" أيوة أنا
المتصلة: أنا اتصلت عالأرضي ولقيته مرفوع مالخدمة فكنت عاوزة أعرف هل هتوافقي عالمواصفات ولا لأ هو بيشتغل كذا في المكان الفلاني وعنده كذا سنة
انا: >_< طيب انا مش فاهمة حاجة هو عامة إحنا في الطريق حاليًا راجعين من السفر وإن شاء الله ساعة ونوصل البيت
المتصلة: طيب عامة لو حسيتي أنك عندك استعداد لقبول العريس تتصلي بيا لما توصلي وياريت في أقرب فرصة
أنا بقى بعد ما قفلت وكررت الكلام على مسامع العائلة الكريمة وركزت في الكلام اللي المتصلة قالته وفنص الكلام بقول لماما ااااااااااااااااااااه
أم مروة
مدام بشرى
السورية
البشمهندس خالد
أنا ازاي مجاش في بالي
إحم إحم دي تبقى قريبتنا
لكن لأني داخل في دماغي حوار الشغل جه في بالي الموجهة التانية اللي اسمها بشرى وجه في بالي والدة زميلتي والحوار دخل في بعضه والشمس كانت ضاربة في راسي طول الطريق
هو مين اللي طفى النور >_<
واحب اقول لوالدتي العزيزة "تعيشي وتدبسيني يا حاجة"
هههههههههههههههههههههه كان حتة موقف تيييييييييييييييييييييييييييت
الاشتراك في:
تعليقات الرسالة (Atom)
12 آراءكم:
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه معلش يا ايينوو مش قادرة امسك نفسى من الضحك بسبب الموقف ده ربنا يتمم بخيير ياختى و عقبال لما يكون جوزك اكبر منك ب 3 ايام P: و متنسيش تعزمينى على الفرح P:
نيمو
هعصرك اطلع منك نيموز صغيرين
معزومة ياختي منغير ماقولك اصلك حاجة كدا لصيقة بالشخصية لا يمكن التملص منها ^_*
27m 27m d5lna f 27raag b2a ya benty msh kfaya 27rgty nfsk m3 l set de kman btrgy l nas!!!!! allah !!!! nas 8areeba gdn !!!! :P :P
البنت دي مين دخلها هنا يا جماعة b:
ahahhahahahhaha enty l medyany l link wla nseetyyy 3shan ashoof l fadayeee7 :P :P
طب اجري من هنا يا بنت خلاص شطبنا b:
وابقي ارجعي بسرعة
:) طويب يامسهل
:)
انتي تعرفي عني كدا !!
ههههههههه ان شاء الله تكون احلي تدبيسه ربنا يوفقك يااارب
ربنا يكرمك يا مرمر ونفرح بيكي قريب
بس تقريبا لسة بدري عليا انا
هههههههههههههههههههههههههههه
لأ جامد الموقف ده
ربنا يوفقك ياقمر وتدبسي على خير تدبيسة حلوة كده
وابقي فرحينا بقى
:-))
دعاؤنا لكي ربنا معاكي ياجميلة
الله يكرمك يا بنوتة
انا بس اتدبس التدبيسة الحلوة وانا اعملكم الفرح هنا فالمدونة وربنا يقدملنا الخير جميعا
ربنا يسعد قلوبكم يا بنوتة ويفرحكم دائمًا :))
مبسوطة قوي بزيارتك
إرسال تعليق