الأربعاء، 25 يناير 2012
بسم الله الرحمن الرحيم
السلام عليكم ورحمة الله وبركاته
المقال دا كنت عاوزة اكتبه من امبارح بس اللي حصل بقى
أولا كنت برتب وجه على بالي فكرة نبيهة جدًا معرفش جت ازاي
وهي اني ارفع رجل ترابيزة الكمبيوتر واكنس تحتها
طبعا الكمبيوتر فوق الترابيزة
ومعرفش بصراحة هو ليه زعل و"سخسخ" واتفقلس ووقع لما رفعت رجل الترابيزة
وببص ورا الترابيزة لقيته جه مليون حتة والكيبورد فوق الشاشة والسي بي يو متفككة وياعيني مغم عليها على جنبها
لميته بسرعة وحاولت احط كل حاجة فيه مكانها ورجعته عالترابيزة تاني ورجعت الترابيزة مكانها
ملحقتش أخلص كنس البيت لأني رجعت من الشغل متأخرة الساعة 4 باين
المهم يعني والخلاصة
مش انا اللي اقول "اعمل حاجة وتشربوها!!" ويتقالي مفيش داعي
ولا انا اللي اقول الملبن حلو وميتاكلش منه
هههههههههههههه طبعًا دا كلام كدا بيني وبين نفسي
المهم يعني انا توصلت لمبدأ حلو قوي، بما إن الإنسان لما بييجي على نفسه قوي قوي يعني ويجيله احباط بيبقى شعور مش لطيف
انا مش هقبل بالطريقة دي تاني
ولما اقول فلتر ياريت يبقى فلتربجد يا بلاش منها أصلا
الانسان ياما بيشوف، مش شرط ابقى عندي خلفية علشان اشوف؛ لأن وقتها الموقف هيبقى مصطنع قويييييييي وبايخ فوق الوصف
حد جاي بنفسه ومقرر وعارف هو عاوز ايه اهلا وسهلا مفيش مشاكل
لكن حد مزقوق ولا جاي بالنصيحة لأ شكرًا برضه منعًا لإحراج أي من الطرفين
مش عارفة بصراحة انا كنت ناوية اكتب حاجة وطلعت حاجة تانية بس دا اللي حصل واللي اتكتب وهي جت كدا
ما علينا
أنا عملت اللي عليا وزيادة على فكرة
مرضتش البس الطقم الاسود مع اني كنت جاية من الشغل به ومكنتش ناوية اغيره
ملبستش الخاتم اللي انا جايباه اللي شبه المحبس واللي بقيت بلبسه بصفة دائمة في البيت او برة عشان محدش يفتكر اني قاصدة تطفيش
جيت على نفسي واتكلمت وضحكت وهزرت مع ان دا مش من طبعي مع الناس الغريبة يمكن آخد شهور بس عشان أرد السلام
بس علشان كذلك ميتقالش اني كنت اقصد تطفيش
يعني من الآخر عداني العيب وأزح
وبالمناسبة انا جهازي باظ وعند الدكتور بيتعالج وانا بكتب المقال دا من جهاز اخويا
مرضتش البس الطقم الاسود مع اني كنت جاية من الشغل به ومكنتش ناوية اغيره
ملبستش الخاتم اللي انا جايباه اللي شبه المحبس واللي بقيت بلبسه بصفة دائمة في البيت او برة عشان محدش يفتكر اني قاصدة تطفيش
جيت على نفسي واتكلمت وضحكت وهزرت مع ان دا مش من طبعي مع الناس الغريبة يمكن آخد شهور بس عشان أرد السلام
بس علشان كذلك ميتقالش اني كنت اقصد تطفيش
يعني من الآخر عداني العيب وأزح
وبالمناسبة انا جهازي باظ وعند الدكتور بيتعالج وانا بكتب المقال دا من جهاز اخويا
الاشتراك في:
تعليقات الرسالة (Atom)
6 آراءكم:
من جهة عداكي العيب وقزح فهو قزح ونط م الشباك كمان :)
تحياتي
:)
طيب الحمد لله
شرفتني
السلام عليكم ورحمه الله وبركاته
ايه الجمال ده كله يا اينو بصي بقي انا عايزه اقولك كده مبدئيا انه في تزامن في الاحداث عندي وعندك بطريقه غريبه مش فاهمه ازاي
ماعدا انك قلبتي الكمبيوتر دي بصراحه محصلتش هههههههههههههههههههههههههه
بحبك يا نونو وفرحانه بكتاباتك جدااا
استمري
وعليكم السلام ورحمة الله وبركاته
هههههههههه
رنرن حبيبي أخيرًا ظهرتي منوراااااانييييي بجد ومنورة المدونة كلها
مممممم...
طب بالنسبة للخاتم اللي شبه المحبس.. بما انك مش بتلبسية الوحِش ده ممكن تديهولي لفة لمدة 6 شهور لاني بوظت فتيس عربيتي ومحتاج سلفة...؟؟
شكرا لانك غيرتي لي مودي وخلتيني ابتسم وانا باقرا البوست :)
اممممم 6 شهور!!! طيب اديلي مهلة سنة أفكر ^_*
ربنا يفرح قلبك والحمد لله ان البوست بتاعي كان سبب في ابتسامة
نصيحة على جنب:
مفيش أي حاجة "أي حاجة" في الدنيا دي تستاهل اننا نزعل علشانها
لو ركزت في معنى كلمة "إنا لله وإنا إليه راجعون" إن شاء الله مفيش حاجة هتخليك حزين لفترة
:)
إرسال تعليق