الأربعاء، 4 يناير 2012
بسم الله الرحمن الرحيم
السلام عليكم ورحمة الله وبركاته
المفروض اروح اغير هدومي حاليًا وأنزل انتخب بقى كفاية تأخير لحد كدا
المشكلة في البرد والمطر اللي مبهدل الدنيا والواحد مش قادر ياخد القرار المصيري الرهيب دا "ألا وهو انه يغير هدومه في البرد دا"
***********
غدًا مساءً وكل مساء أول امتحانات التحريري لنصف العام في الدبلومة اللهم اجعله خير المفروض الامتحان الساعة واحدة الظهر بس مش عارفة بصراحة انا هروح الساعة كام يمكن اروح اتنين ولا حاجة اللي متضايقة من نفسي فيه قوي اللامبالاة اللي عندي انا حتى الآن مفتحتش ولا كتاب ولا حتى علمت في الكتب على الملغي والمقرر مش عارفة آخرتها ايه ربنا يستر
أكيد أول قلم بيفوق وربنا يسترها معايا في الخمس أقلام اللي هاخدهم لحد آخر شهر يناير
واضح كدا ان السنة دي مش ناوية تختلف كتير عن السنة اللي فاتت من بدايتها
ربنا يستر
ونفسي اقول لنفسي حاجة واحدة بس
قومي من تحت الردمِ
**********
صحيح بالمناسبة وعلشان تبقى الدعوات واحدة
أحمد أخويا حبيب قلبي ربنا يوفقك يا رب ويجعل في وشك القبول ويكرمك ويقدملك ما فيه الخير
امتحانك الساعة 6 ودلوقتي الساعة 6 ربنا يكرمك ويلهمك يا رب مش عاوزة اتصل بيك علشان ملبخكش ونفسي اطمئن وصلت في الميعاد ولا لأ
**********
صحيح بالمناسبة وعلشان تبقى الدعوات واحدة
أحمد أخويا حبيب قلبي ربنا يوفقك يا رب ويجعل في وشك القبول ويكرمك ويقدملك ما فيه الخير
امتحانك الساعة 6 ودلوقتي الساعة 6 ربنا يكرمك ويلهمك يا رب مش عاوزة اتصل بيك علشان ملبخكش ونفسي اطمئن وصلت في الميعاد ولا لأ
الاشتراك في:
تعليقات الرسالة (Atom)
6 آراءكم:
لأ كله إلا المذاكرة ، وبعدين علشان تعرفي حتى تلعبي في الأجازة
:)
ألعب ميييين وهو الشغل هيسبني العب
اللعب دا كان ايام زمااااان
حلو القرار ((المصيري الرهيب)) اللي لازم تاخديه ده وتغيري هدومك بقى :)
كل سنة وانت طيبة :)
مشكلة فعلا أصعب قرار الواحد ممكن يتحط قدامه في الجو دا
وحضرتك بالصحة والسلامة
القرار المصيرى ده صعب جداااااااا بصراحة انا كتير تراجعت بسبب انى ماعرفتش اخده:)
ربنا يعينك ويعين احمد يارب
ههههههههههه القرار دا علشان آخده بياخد مني ساعااااااااات تفكير وتردد الى أن أحسم أمري
ربنا يخليكي ليا يا ريماس يا حلوة وينورلك طريقك يا رب ويجازيكي خير متتصوريش دعوتك دي فرحتني قد ايه
إرسال تعليق