السبت، 31 ديسمبر 2011
بسم الله الرحمن الرحيم
السلام عليكم ورحمة الله وبركاته
تصدق مكنتش أعرف ان الكلمة دي صعبة قوي كدا الا لما قلتها
دوريلي على عروسة
...
يا نهار ابيض
المشكلة ان سهل قوي تدور لواحدة على عريس لكن صعب جدًا لما تدور لواحد على عروسة
معرفش صعوبتها جاية منين تحديدًا
يمكن لأن الطبيعي ان البنت هي اللي بيتعرض عليها العرسان وهي اللي تقرر توافق عليهم أو لأ
يمكن لأني لو اقترحت على ولد عروسة يبقى بدبسها بعكس لو عرضت على بنت عريس هو مش هيبقى متدبس لأن في الغالب الرجل قراره من دماغه لكن البنت قرارها منبثق من آراء أهلها
يمكن لأني نفسي اختارلك أحسن واحدة في الكون وفي نفس الوقت عارفة ان انت مش احسن واحد فالكون فهحس اني بظلمها
يمكن لو كان حد تاني ملوش أي علاقة بيا كان الموضوع هيبقى أبسط شوية يعني مبقاش انا مقياس للحكم على الشخص دا أو دي بمعنى لو ناس معرفهمش وحابة العب دور الخاطبة فالطرفين هيبقوا عارفين ان دوري مجرد اجتهاد وهيسعى كل واحد فيهم لاكتشاف الطرف الاخر بنفسه، لكن لما يكون الطرفين مقربين هتبقى صعبة قوي انا كدا هبقى عاملة زي التوكيل اللي بيدي شهادة ضمان على المنتج
وبصراحة انا مضمنش حد
الاشتراك في:
تعليقات الرسالة (Atom)
2 آراءكم:
يمكن لأني نفسي اختارلك أحسن واحدة في الكون وفي نفس الوقت عارفة ان انت مش احسن واحد فالكون فهحس اني بظلمها
حلوة أوى الجملة دى
واحساس أنا عارفاه كويس جدا :)
:)
موناليزا الجميلة
أسعدتيني بجد بمرورك وتعليقك
إرسال تعليق