الاثنين، 5 مارس 2012
بسم الله الرحمن الرحيم
السلام عليكم ورحمة الله وبركاته
مبدئيًا كدا بالصلاة على النبي
أنا كرهت "أخت" الانجليزي
مش هدعي اني "فلونت" ولا حتى "أدفانسيد"
يعني أنا ليكوا عليا أبصم بالعشرة إني "بيجينر"
بس الله يباركلك يا أبله أسماء ياللي بتدي عيال الحضانة دروس "قال ايه" انجليزي
إلهى ربنا يسعدك بلاش تحفظي الأطفال رقم "ستة" بالانجليزي
أرجوكي الرقم دا بالذات سيبيهولي انا هعلمهولهم
سيكيس
ماهو انا لو عارفة ايه العيب اللي فيها بيخليها تطلع بالنطق دا هعرف أعدلها للأطفال
لكن عشان تحاول تقنع طفل عنده 5 سنين ان فيه فرق بين نطق "سيكس" و "سيكيس"
اشوف فيكييييييييييييييي تلت اربع خمس ست ايام
آه ست ايام من بتاعت "سيكيس" اللي بتحفظيها للعيال
نفسي حد يلمني عليها عشان ابعتلها مقطع فيلم عسل اسود بتاع احمد حلمي لما كان بيقول لميس "ميرفت" بتاعت الانجليزي
سيكيس؟! كيلااااااااس؟!
وكمان سانك يوووو فيري ماتش
دا لو حد أجنبي فات جنبكم هيغير ملته
الاشتراك في:
تعليقات الرسالة (Atom)
6 آراءكم:
دي المفروض تتشنق من رجليها وتتعلق في حوش مدرسة والعيال يرجموها بالدوم !
بجد بجد بجد
جبت منها جااااااااااااااااز
وبقيت تلقائي أول ما عيل ينطق انجليزي غلط أقوله بتاخد درس عند ابله اسماء صح؟!
وعلى طول يقولي آااااااه
نفسي بجد اعرف مكان بيتها وانا ابعتلها مقطع الفيلم بتاع احمد حلمي مع مرفت دا حقيقي نفسي
ياكش تفهم
هههههههههههههههههههههههه...الله يخربيتها هتطلع جيل معوقين في الانجليش
بأمانة يا ميرا بقيت محتارة
أدعي عليها بإيه وهي فيها كل العبر
D:
فقررت أقول ربنا يهدينا ويهديها يااااااااا رب
هههههههههههههههههه بوظت اجيال بحالها توقع تحت ادينا بس
ههههههههه على رأيك يا ريمى
هي بس تقع تحت ايدنا
إرسال تعليق