الجمعة، 23 مارس 2012
بسم الله الرحمن الرحيم
السلام عليكم ورحمة الله وبركاته
صورة بها أطفال الأربع قاعات بالروضة مجمعين لمشاهدة مسرح العرائس
كل سنة و"حضرتك" طيبة يا "ميس"
بغض النظر طبعًا عن الكلمتين اللي بين علامتين تنصيص
واللي حطتهم كدا لأني كنت أتمنى يتقالولي كدا بس ميضرش كل اللي ييجي منهم حلو برضه
تتنوع التهاني ومعظمها يكون على هيئة "كل سنة وانتي طيبة يا أبله"
وبعضها "كل سنة وانتي طيبة يا ميس"
المهم مش همسكلهم عالواحدة هنا كمان
ابتسامة خافتة
أنا بقيت في مقام ماما بالنسبة لأطفال الحضانة واللي لقتهم امبارح جايبنلي هدايا عيد الأم "آينعم هدايا رمزية" لكن عندي بالدنيا إنهم فكروا يجيبوا للميس بتاعتهم هدية
عملنا حفلة ومسرح عرائس وغنينا ونفخنا بلالين وزيننا القاعات يعني نقدر نقول هيصنا وحكينا حكايات
أتمنى اليوم دا يثبت في ذهنهم زي ما احتفال عيد الطفولة وانا في الروضة ثابت في دماغي
وشكلي وانا بعلق البلالين يفضلوا فاكرينه زي ما شكل معلمة الروضة بتاعتي مانا فاكراه حتى الآن وهي بتعلق بلالين عيد الطفولة
بغض النظر بقى عن ان أعياد المسلمين هم 3 اعياد فقط الجمعة والفطر والأضحى
لكن باقي المناسبات تعد مناسبات اجتماعية نستمتع فيها بقضاء بعض الوقت
عجبتني قوي الآيات القرآنية اللي جابوهالي ناوية أبروز اللي مش متبروز منها وأعلقه في حجرتي ^_^
والله وبقيت ميس والأطفال بتجبلي هدايا وبتشوفني في الشارع وتسلم عليا
الاشتراك في:
تعليقات الرسالة (Atom)
4 آراءكم:
اكييد احساس حلووو اوي...ربنا يوفقك ويكرمك ان شاء الله..
فعلا يا ميرو بجد
نحن واياكم اللهم آمين ^^
الله يا اينو بجد احساس جميل قوي وبعدين صحيح بمناسبه الموبيل الجديد حضرتك تقدري تصوري الهدايا وتنزليها عايزه اتفرج معلش بقي
رونيييييييي
حبيبة قلبي فعلا هو شعور لا يوصف
تصدقي مجتش على بالي دي حاضر عيوني هسورهم ان شاء الله بس اما ارجع من الكلية بقى
إرسال تعليق