الجمعة، 24 فبراير 2012
بسم الله الرحمن الرحيم
السلام عليكم ورحمة الله وبركاته
بما اني جبت موبايل جديد بقى وفرحانة بنفسي
حبيت اصور كام حاجة كان نفسي اسحبهم سكانر من زمان ومكنتش ببقى فايقة للموضوع دا
رسومات رسمتها زمان في المراحل الدراسية المختلفة
هرفعهالكم هنا بالتاريخ التقريبي للفترة اللي رسمتها فيها
الصورة الأولى كانت وأنا في سنة رابعة كلية يعني سنة 2009 الرسمة دي لشخصية "شجيع السيما" من اوبيريت الليلة الكبيرة
كانت مطلوبة في سكشن المفروض ان كل طالبة تعمل عروسة مريونيت لشخصية من شخصيات الاوبيريت وترسم الشخصية اللي هتنفذها
كانت مطلوبة في سكشن المفروض ان كل طالبة تعمل عروسة مريونيت لشخصية من شخصيات الاوبيريت وترسم الشخصية اللي هتنفذها
الصورة دي اعتقد رسمتها السنة اللي فاتت او اللي قبلها مش فاكرة تحديدًا بس كان نوع من أنواع الفراغ وعندي الاسكتش والالوان قلت اشخبطلي شوية
الرسمة دي أكتر رسمة بحبها هي شكلها مش واضح في الصورة قد كدا
دي رسمتها وانا تقريبا في 2 ثانوي كنت سهرانة بذاكر عربي لوحدي في البرد وكنت مخنوقة جدا فقررت اشخبط شوية شخابيط والموضوع طلع في دماغي ورحت جبت الالوان ولونتها هي كانت مرسومة بالقلم الجاف في كشكول الدرس بس قصتها بقى
الصورة دي كانت في الفصل في سنة اولى ثانوي كنت قاعدة انا وزميلتي في حصة الرسم وزميلتي دي ماشاء الله عليها رسمها كان رائع جدًا هي رسمت الصورة وانا لونتها حتى الامضاء مش بتاعي دا بتاعها هي لأن هي اللي رسمتها مش عارفة هي لو شافتها دلوقتي تفتكرها ولا لأ
الرسمة دي رسمتها وانا في نفس حصة الرسم بتاعت الرسمة اللي فوقها في سنة اولى ثانوي وكان المطلوب اننا نرسم حاجة عن التراث أيًا كانت
بحبها قوي الرسمة دي حاسة إني أحسنت اختيار عناصر الرسمة فيها وبالمناسبة مش انا اللي كتبت كلمة التراث اللي في الخلفية المُدرسة اللي كتبتها وانا لونتها
بحبها قوي الرسمة دي حاسة إني أحسنت اختيار عناصر الرسمة فيها وبالمناسبة مش انا اللي كتبت كلمة التراث اللي في الخلفية المُدرسة اللي كتبتها وانا لونتها
بالنسبة للصورة دي بقى "مع اني لم احسن ضبط الاضاءة اثناء تصويرها" أكتر رسمة بحبها ليا في رسم الوجوه لأن ملامحها تقترب للواقعية
رسمتها وانا في تالتة ثانوي وكنت قاعدة عند خالتي بتعلمني ازاي ارسم ملامح الوجه وملامح التقدم بالعمر عشان كان صابح عليا امتحان الفنون
رسمتها وانا في تالتة ثانوي وكنت قاعدة عند خالتي بتعلمني ازاي ارسم ملامح الوجه وملامح التقدم بالعمر عشان كان صابح عليا امتحان الفنون
الصورة دي كذلك في نفس يوم الصورة اللي قبلها حتى في نفس الورقة هي صورة مرعبة شوية بس ميضرش هلاقي احسن منكم فين ارعبه؟
الاشتراك في:
تعليقات الرسالة (Atom)
21 آراءكم:
موهبة رائعة
بالتوفيق دائما
الله يكرمك
نحن واياكم
حلوين اوي يا اينو واكتر رسمتين عجبوني اوي اول واحده وخامس واحده
تصوري يا اينو انه كنت فاكره نفسي بعرف ارسم طلع الفن اللي انا برسمه فن تهبيلي
تسلميلي يا رنروني
لأ مانا ليا تهبيل كتير وبصراحة بحب هبلي قوي بس دول اللي محتفظة بيهم لأن التهبيل بيبقى في صفحات كتب أو في كشكول محاضرة وما الى ذلك ؛)
مابيهاش الرسمات ،طوري نفسك اكثر وانضمي لصفحة @فن الرسم
انا مفهمتش كلمة مابيهاش
انا نفسي الحقيقة اطور من نفسي لأني بعمل مجرد شخابيط لما بكون حاسة بالملل ^_^
على الفيس الصفحة دي؟
هي دي الصفحة اللي تقصدها يا هيبو؟!!
http://www.facebook.com/Art.De.Dessin?sk=wall
دي حاجة تعقد خالص انا اصلا جنبهم حتى محصلتش بشخبط دول ناس عقدوني بسم الله ماشاء الله بجد عليهم حقيقي مواهب
انا هعتزل الرسم >_<
حلوين جداااااااا ربنا يوفقك دااايما
دا احنا على كدا مبنشتغلش فالكلية خاااالص مبنرسمش بالوان ولا الحاجات الحلوة دى اخرنا نشتغل بورق الكالثون
الله يكرمك يا وزة انتي احلى
نحن واياكم يا جميلة
هو انتي في كلية ايه؟
انا نفسي اشتغل بقلم الفحم بس وأطلع نتائج واقعية حلمي الحقيقة
تقصدي الكانسون؟!
انا تربية طفولة يا اختى احنا بنشتغل كلثون بس و كمان مبنشتغلش كتير ممكن يكون مشروع او اتنين فالتيرم
ايه دا يا وزة!!
داحنا طلعنا زُمُل
ايه دااااااااااا ايه التفرقة العنصرية دي
دول كانوا بيهرونا وكل الخامات مش كانسون بس
اسمه كانسون يا شابة متضحكيش علينا الجانب D:
احنا بقى كنا بنشتغل بالكانسون والبرستون والناصبيان والفيبر والفوم والكوريشة والخرز والقماش والخشب ومش قادرة افتكر كنا بنشتغل بايه كمان
بس كنا بنعمل ماكتات ومجسمات للحاجات وعرائس مريونيت وعرائس قفازية وعرائس عصا وعرائس ظل
الا مقلتيليش انتي في جامعة ايه؟ حلوان؟
ههههههههههههههههههههههههه لا يا زيزو الكالثون ده حاجه تانيه كملوا كملوا
ايه دا بجد؟
على كدا دانا اللي معلوماتي في البطاطس خالص اخص اخص وانا اللي بقالي 5 سنين في الكلية ودي السادسة يادي الكسوف يا ولاد
ههههههههههههه عندك حق راندا ضحكت عليا اهى معلش يا راندا اختك انتى عارفة يعنى ....
والله طول عمرى بقولها كالثون انا اساسا بعرف الخامات من شكلها معرفش الا الاسم ده وكمان طلع غلط ههههههههه ومنكم نستفيد .!
انا جامعة الزقازيق يا اختى
حلوووين اوي علي فكره...المواهب دي كانت مستخبيه فين؟؟؟
ههههههههههههههههه
يا عيني يا وزة يعني المعلومة اليتيمة اللي طلعتي بيها طلعت مغلوطة :(
تشرفنا يا وزة ياللي من ريحة الحبايب
تسلمي يا أمورة دا بس من ذوقك
امال لو شفتي الرابط اللي انا حطاه في التعليقات دانا حسيت اني عيلة بتشخبط مش أكتر وياريتها شخبطة عدلة دانا جنب المواهب دي طلعت ولا حتى صفر على الشمال
ما شاء الله عليكي ، موهوبة :)
الأولى والرابعة والخامسة حلوين جداً
بالذات الأولى عجبتني جداً لأني باحب الليلة الكبيرة أوي أوي ،، بايــع ؟؟
D:
بالتوفيق دايما إن شاء الله
الله يكرمك من ذوقك
بالنسبة للرابعة مش انا اللي رسماها انا لونتها بس
الله يكرمك
يعني ايه بايع؟
يا رب آمين نحن واياكم
أنا أقصد يعني تبيعيها كام ؟؟
ههههههههههههههههههه
خالص تحياتي
^_^
اها.. بايع
إرسال تعليق