الثلاثاء، 27 أبريل 2010
بسم الله الرحمن الرحيم
السلام عليكم ورحمة الله وبركاته
لأ بجد هبل هبل يعني
لما تطلع رخصة قيادة وأنت قاعد في بيتكم وأنت أصلًا مبتعرفش تسوق حتى عجلة
يبقى أنت أكيد أكيد في مصر
لقيت ماما رايحة تجدد الرخصة بتاعتها قلتلها أني عوزة أعمل رخصة قالتلي هاتيلي صورتين ليكي بالنظارة عشان الشهادات المطلوبة
إدتلها الصور وأنا مش عارفة لسة إيه هي الشهادات المطلوبة
وإذا بماما ربنا يخليهالي يا رب رجعالي النهاردة ومعاها 3 شهادات طبية ومتدبس فيها صوري طبعًا
أول شهادة
ولله الحمد مكتوب فيها أن المذكورة أعلاه -اللي هي حضرتي طبعًا- لديها حدة إبصار بدرجة 6\6 في العين اليمنى و6\9 في العين اليسرى
بقول لماما هما مين قالهم هو حضرتك وديتلهم نتيجة آخر كشف أنا عملته؟ قالتلي لأ دي حاجة كدة بالإحساس
لأ والأدهى والأمر مكتوب لا تعاني من مشاكل في تحديد الألوان لاموآخذة بقى إيش عرفهم إني معنديش عمى ألوان؟ -الحمد لله يعني إني مش عندي- لكن هل دي كمان استشفوها من الصورة؟
المهم ما علينا ممكن نقول ناس عندها ثقة في الغير ووثقوا في كلام ماما
نيجي للشهادة التانية
واللي كاتبين فيها أن فصيلة دمي AB+ وهو دا بقى اللي مسمحش بيه أبدًا لأن فصيلة دمي B+ مش زي ماهم كاتبين معنى كدا إني لو عملت حادثة -لا قدر الله بعد الشر عليا- هيروحوا يحطولي دم غير فصيلة دمي ويموتوني بقى؟
الشهادة التالتة وآه من الشهادة التالتة
بعد الكشف على المذكورة أعلاه إتضح أنها لا تعاني من أمراض باطنة ولديها إتزان سليم وبنيان سليم وحاجة كدة كمان سليمة -بس مش عارفة اقراها لأن خط الدكتور وحش قوي-
وفي النهاية ولا يوجد مانع من منحها رخصة قيادة
طيب ودول أقول عليهم إيه؟ كشف إيه اللي كشفوه عليا إذا كنت أنا أصلًا مرحتش العيادة ولا شفت شكلها
وبالطريقة دي تقدر تطلع رخصة قيادة
ودمتم
وبنسأل حوادث الطرقات كتير ليه في البلد
كشف إيه اللي أنت جاي تقول عليه؟ أنت عارف قبله معنى الرخصة إيه؟
السلام عليكم ورحمة الله وبركاته
لأ بجد هبل هبل يعني
لما تطلع رخصة قيادة وأنت قاعد في بيتكم وأنت أصلًا مبتعرفش تسوق حتى عجلة
يبقى أنت أكيد أكيد في مصر
لقيت ماما رايحة تجدد الرخصة بتاعتها قلتلها أني عوزة أعمل رخصة قالتلي هاتيلي صورتين ليكي بالنظارة عشان الشهادات المطلوبة
إدتلها الصور وأنا مش عارفة لسة إيه هي الشهادات المطلوبة
وإذا بماما ربنا يخليهالي يا رب رجعالي النهاردة ومعاها 3 شهادات طبية ومتدبس فيها صوري طبعًا
أول شهادة
ولله الحمد مكتوب فيها أن المذكورة أعلاه -اللي هي حضرتي طبعًا- لديها حدة إبصار بدرجة 6\6 في العين اليمنى و6\9 في العين اليسرى
بقول لماما هما مين قالهم هو حضرتك وديتلهم نتيجة آخر كشف أنا عملته؟ قالتلي لأ دي حاجة كدة بالإحساس
لأ والأدهى والأمر مكتوب لا تعاني من مشاكل في تحديد الألوان لاموآخذة بقى إيش عرفهم إني معنديش عمى ألوان؟ -الحمد لله يعني إني مش عندي- لكن هل دي كمان استشفوها من الصورة؟
المهم ما علينا ممكن نقول ناس عندها ثقة في الغير ووثقوا في كلام ماما
نيجي للشهادة التانية
واللي كاتبين فيها أن فصيلة دمي AB+ وهو دا بقى اللي مسمحش بيه أبدًا لأن فصيلة دمي B+ مش زي ماهم كاتبين معنى كدا إني لو عملت حادثة -لا قدر الله بعد الشر عليا- هيروحوا يحطولي دم غير فصيلة دمي ويموتوني بقى؟
الشهادة التالتة وآه من الشهادة التالتة
بعد الكشف على المذكورة أعلاه إتضح أنها لا تعاني من أمراض باطنة ولديها إتزان سليم وبنيان سليم وحاجة كدة كمان سليمة -بس مش عارفة اقراها لأن خط الدكتور وحش قوي-
وفي النهاية ولا يوجد مانع من منحها رخصة قيادة
طيب ودول أقول عليهم إيه؟ كشف إيه اللي كشفوه عليا إذا كنت أنا أصلًا مرحتش العيادة ولا شفت شكلها
وبالطريقة دي تقدر تطلع رخصة قيادة
ودمتم
وبنسأل حوادث الطرقات كتير ليه في البلد
كشف إيه اللي أنت جاي تقول عليه؟ أنت عارف قبله معنى الرخصة إيه؟
الاشتراك في:
تعليقات الرسالة (Atom)
8 آراءكم:
hahahahah ya b5teeek ya wezaaah e7naah henaah lazem na5od 35 dars 3ad ostaz ta3leem sewaqaah ba3d kedah na5od meno shahadah
wb3den nro7 nef7as law fe majl enk btshofe kol el olty 3aleh nro7 ell2emte7an el nazree ba3den el3mlee whte tenj7e bel 2weel elah ba3d 5 aw 6 marat ba3deen el 3mlee bt5deeh ba3d 10 marat aw 11 enty wshtrteek wkol dah w2enty lesaah btdrbee ma3 elostaaz bta3 el swaqqah l2nhom shifeen ene lesah mesh sal7ah llqiaadaah shoft el7aaz lazeem atro2kom bel3een lool w7shtenee
سوسو حبيبة قلبي
فينك يا بنتي مختفية بقالك فترة؟
بس أنا مبسوطة قوي انك زورتيني النهاردة
هو الحق لله معرفش لسة هما هيعملوا ايه في الامتحان أو في مدرسة السواقة لكن أول خطوة كانت بالنسبة للشهادات
طبعا في مدرسة سواقة المفروض اروح 3 أيام في الأسبوع لمدة شهرين يعني قولي بتاع 24 حصة
بالنسبة للإمتحان برضه مش عارفة ايه نظامه بس انا استغربت جدا من الخطوة الأولى
لكن عموما عندنا مينفعش أي حد يعتمد اعتماد كلي عاللي اتعلمه في مدرسة السواقة لازم ياخد دروس برة علشان مبيبقاش شكله غشيم وهو سايق وسط الناس
ماشاء الله
دة انتى طلعتى خطيرة اهو وشكلك ليكى معارف!!!
يابنتى مصر عندها جهاز فريد من نوعه بيكشف كل واحد واصحابوا وعيلتوا وكمان بتشحنى بكارت ايه!!
بس بعد كدة اوعى تقولى نظرى صعيف او بطنى بتوجعنى اجبلك والله الشهادات
ههههههههههههه مش كدة برضه يا كيكي
بس دانا غلبانة خالص دانا حتى معرفش غير ماما
اه بعد كدة هيهددوني بالشهادات دي
السلام عليكم
وانا عندي اللي يجيبلك الرخصة وانتي في بيتكم دون اختبار ولا يحزنون ..
هو دا الفساد بعينه اللي استشرى في كل المؤسسات الحكومية ..
حزب فاسد + حكومة فاسدة = عصر مبارك
تحيتي
وعليكم السلام ورحمة الله وبركاته
طيب ايدك عليه بقى
هو مش هيساوي عصر مبارك وبس هو هيساوي كل عصر فيه ناس معندهاش ضمير وناس تانية سلبية ومعندهاش مشاكل
عاتى عاتى يا بنتى هو دة الطبيعى فى بلدنا انتى عرفة انا عندى خالى بيسوق من قبل ما اتولد انا و ساق فى امريكا و السعودية و لما جة يعمل رخصة فى مصر عادى راح امتحن لابية و لا علية و سقطوة .... راح دفع المطلوب و جتلوا لغايت عندة .... هى دى مصر يا عبله ... و بالمناسبه مامتك متعرفليش حد فى مرور فيصل عوزة اطلع رخصة و مش عرفة ههههههههههه
هههههههههههههههههههه
لا والله يا اختي مكنش يتعز
ربنا يعينك بقى
إرسال تعليق