الجمعة، 15 أكتوبر 2010

هي دي مدونتي؟!

بسم الله الرحمن الرحيم
السلام عليكم ورحمة الله وبركاته

استغربتها قوي

واستغربتني في الفترة الأخيرة

هو أنا تايهة من نفسي ولا أنا بيتهيألي؟

ربنا يهديني لنفسي وللطريق المستقيم

فكرت أقرأ الكام بوست الأخارى

فين أنا فيهم؟ مش عارفة ملقتنيش حسيت مدونتي مبقالهاش هوية

حاولت أرجع تاني لمدونة معجزات يمكن أحس بأسلوبي وبنفسي فيها

حتى دي حسيت آخر مقالين فيها ملهمش طعم ولا نكهة حتى تعليقات الناس عليهم أقل من المعتاد

فقدت قدرتي على الكتابة باين

هل دا ضعف حماسة للحياة ولا أنا بوهم نفسي إني فتاة عاملة ومشغولة مشغولة مشغولة ومعنديش وقت أدخل على النت ولا المدونات علشان أكتب مقال زي زمان

صحباتي على النت أكيد كلهم زعلانين مني علشان بقالي فترة طويلة جدًا مبسألش على حد

قافلة موبايلي غالبًا يا عيني من كتر التليفونات دماغي وجعاني، الواحد لازم برضه يبعد عن الأضواء شوية طبعًا

صديقاتي من الواقع مبقتش بكلم حد اللي عايزني يكلمني أهلا وسهلا

مبرحش لحد اللي عايز يجيلي ينور أهلا به

خروجاتي بقت محدودة جدًا غالبًا مش للفسح

دا إيه الجو المغيم اللي أنا دخلت نفسي فيه دا

بلا قرف تصدقي أنا زهقت منك بقيت حساكي مغيمة

قومي قومي خديلك دش بلا كئابة

عارفة النتيجة بس أديني بحاول وربنا يعينني ويسهلي الخير

0 آراءكم: