الأربعاء، 13 أكتوبر 2010

إصحي يا دنيا



إصحي يا دنيا




إصحي يا دنيا وقومي يا دنيا واسمعي ديك الصبح صديقك


خدي من الكزرونة الالمونية لبن الصبح وغيري ريقك


اصحي يا دنيا وقومي يادنيا والبسي و اتزوقي تزاويقك


واصحي ورشي علينا كلونيا وخدينا معاكي في طريقك


اصحي يا دنيا وقومي يادنيا والبسي واتزوقي تزاويقك


وامشي ورشي علينا كلونيا وخدينا معاكي في طريقك



لما الصبح بيفرش نوره يصحوا ولاد الارض يدوره


النمل يحازي في طبوره ويعبي و يشيل في جحوره


لما الصبح بيفرش نوره يصحوا ولاد الارض يدوره


النمل يحازي في طبوره ويعبي و يشيل في جحوره


والموج يتمطع في بحوره والبوبي يعضعض في فطوره


والنحل يدور وسط زهوره وابتدي يا زهور في تفاريقك



فرش النور على الارض وغطى بطبوط كاكة لمامته البطة


من اول ندها امت نطة وبسرعة حضرت الشنطة


فرش النور على الارض وغطى بطبوط كاكة لمامته البطة


من اول ندها امت نطة وبسرعة حضرت الشنطة


باس مامته على العتبه وخطى شاف القطة فوق الباسطة


هتنونوله جالها زغطة قال اشربي وانتي يروح ديقك



سوا سوا رايحين على مدارسنا حضنين في كتبنا وكراريسنا


على آخر السلم بسبسنا جالنا البوبي عليه ملسنا


سوا سوا رايحين على مدارسنا حضنين في كتبنا وكراريسنا


على اخر السلم بسبسنا جالنا البوبي عليه ملسنا



ومشينا بغنوة تونسنا وتنشطنا وتحمسنا


بالفجر فتحنا اتشمسنا وسمعنا ياعصفير زقازيقك


إصحي يا دنيا قومي يا دنيا واسمعي ديك الصبح صديقك


خدي من الكزرونة الألمونية لبن الصبح وغيري ريقك


اصحي يا دنيا وقومي يا دنيا والبسي واتزوقي تزاويقك


وامشي ورشي علينا كلونيا وخدينا معاكي في طريقك

4 آراءكم:

z!zOoOo on 14 أكتوبر 2010 7:26 م يقول...

حلوه قوي الاغنيه ديه

وانا بحب عفاف راضي في اغاني الاطفال وغيرها

زي اغنيه سوسه

دق دق دق دق بكفوفك .. فكفوفك دشدش خوفك
:)

ساعات كده بتطلب معانا حنين للطفوله

وياريتها ترجع يوم

:)

E73 on 15 أكتوبر 2010 2:18 ص يقول...

ياريتها بجد

ممكن من وقت للتاني أنزل بوستس فيها كلمات أغاني الأطفال القديمة دي

شرفتني

AhMeD RaDy on 27 مارس 2011 12:54 ص يقول...

احم احم .. ايه يا استاذة

انتى بتاخدى اغانى اختى ليه ها ها !!

بس بصراحة حلوة جدا

E73 on 28 مارس 2011 9:02 م يقول...

:)
أنا بحبها قوي الأغنية دي فعلا