السبت، 28 نوفمبر 2009

الله أكبر الله أكبر الله أكبر



الله أكبر الله أكبر الله أكبر... لا إله إلا الله
الله أكبر الله أكبر ... ولله الحمد
الله أكبر كبيرا... والحمد لله كثيرا
وسبحان الله بكرة وأصيلا...لا إله إلا الله
وحده...صدق وعده ... ونصر عبده ... وأعز جنده وهزم الأحزاب وحده
لا إله إلا الله...ولا نعبد إلا إياه... مخلصين له الدين ولو كره الكافرون
اللهم صلي على سيدنا محمد
وعلى آل سيدنا محمد
وعلى زوجات سيدنا محمد
وعلى أصحاب سيدنا محمد
وعلى ذرية سيدنا محمد وسلم تسليما كثيرا
لا إله إلا الله

الله أكبر الله أكبر الله أكبر ... لا إله إلا الله
الله اكبر الله أكبر ... ولله الحمد

*******************
يوم مميز جدا
أوله وأهم حاجة فيه طبعا أني لحقت أول تكبيرة في المسجد
أصلي فاشلة وكل عيد بوصل عالركعة الأخيرة
المرادي قلت يا بنت خليكي ذكية شوية انتي لما بتروحي للجامع البعيد مش بتلحقي الصلاة
مع انك بتاخدي حسنات على طول المسافة اللي بتمشيها
وآجي بعد مالإمام يخلص صلاة أدور على المساجد اللي بتبدأ متأخر ألاقيهم خلصوا هما كمان
وأرجع زي قلتي
لكن السنادي الحمد لله
آي نعم صليت في المسجد اللي جنب البيت لكن عالأقل لحقت أول تكبيرة
ورجعت كالعادة بعد الصلاة من طريق مختلف عن اللي جيت منه ورحت لتيتة أول حاجة
فضلت قاعدة مع خالتي شوية لأن تيتة كانت في القاهرة
روحت البيت بقى علشان أشارك في تجهيز وليمة الغداء لصحباتاتي وحبايب قلبي سارة وسلمى وجهاد
"واخدين بالكم انتوا من مصطلح وليمة ده؟!!" محسسة نفسي اني عزمتهم على خروف ولا حاجة
يا جماعة عوزة أقولكم اننا ضحينا السنادي بكتكوت
المهم وكما كان متوقع سلمى مقدرتش تيجي
بس بجد اليوم كان في منتهى الروعة وأعتقد اني متبسطش بالشكل ده بقالي فترة كبيرة جدا
طبعا اليوم كان ناقصه سلمى
لكن بجد كان في منتهى اللذاذة
أتمنى انه يكون كدة بالنسبالكم انتوا كمان "جهاد وسارة"

بالمناسبة يا سارة سحر بتسألك عن اسم البرفيوم بتاعك لأنه عاجبها قوي "أصلي بلطجت عليها يا جماعة و غرقت نفسي بيه ماهي فرصة بقى اني قاعدة في البيت أستغلها شوية"

عارفة طبعا اني كنت قايمة بدور الجرسون على أكمل وجه
وطبعا كنت كفائة في عمل الشاي مش كدة يا جيجي!!!
ولا ايه بقى عليا شوية كرم إوعى وشك

أنا بجد يا بنات كنت سعيدة جدا ربنا يخليكم ليا

جيجي إوعي تنسي المرة الجاية عندك ومترديهاليش وتلطعينا سنة زي مانا عملت فيكم
سارة طلعت أجدعنا خلصت في ساعتها أول ما قلنا يا عزومات وفت بالوعد
جدعة يا سوستة

عوزاكم بقى تشكروا في الرز اللي أنا عملته
وتمشوا تقولوا للناس كلها أيوة ماهي مش عزومة ببلاش كدة
الواحدة برضه تطلعلها بعريس ولا حاجة

6 آراءكم:

shaimaa rady on 28 نوفمبر 2009 في 2:20 ص يقول...

كل سنة وانتي طيبة يا حجة

تقبل الله منك
كان نفسي اروح اصلي بس المطرة بهدلت الدنيا قبل الفجر بعشر دقايق ورعد وحاجات مرعبة، فمعرفتش اروح، بس بعدين اكتشفت ان الجو بقا حلو وقت الصلاة سبحان الله
راحت علية برغم اني والله كنت عاملة حسابي اصلي
بس قدر الله وما شاء فعل


بس اية الوليمة اللي بزل ازلي دي
:)
اعوذة بالله ياام رز انتي
:)

بس عموما تسلم ايدك يا وزة :)

غروب on 28 نوفمبر 2009 في 11:22 م يقول...

هههههههههههههههه

ايه يا بنتى السياح ده ؟؟؟؟؟؟

واكيد طبعا مش محتاجه اقولك على الملا ان البرفيوم ده اقل واحد عندى ههههههههههههههههههه

الرز بقه كان تشحففففففففففففه

انا دوقت منه معلقه ومقدرتش اكمل من جماله

خفت اسيب باقي الاكل هههههههه

ربنا يخلينى ليكي ويخليكي لينا يا نوسه وبجد والله العظيم كان من اجمل الايام اللى قضيتها في حياتى

مواااااااااااه ليكي ولسحر ولطنط ولعمو بالمره هههههههههههههههههه

حـــلـــم كـــان on 29 نوفمبر 2009 في 12:23 م يقول...

كل سنه وانتى طيبه

انا كمان روحت الصلاه

بس صليت لو حدى الون

وصلت متاخر بقا

اخدت منك الفيرس

E73 on 30 نوفمبر 2009 في 3:37 ص يقول...

شيموووو
*********
وانتي بالصحة والسلامة
ومنكم انشاء الله
ربنا يعينك العيد الجاي قدر الله وما شاء فعل

اسمها ذل هههههههه يا بنتي دا اللي بيقولوا عليه من وأذى

تسلمي وتعيشي يا حبيبتي
عقبال معملك

E73 on 30 نوفمبر 2009 في 3:39 ص يقول...

سوستة
*******
ياعني مقلتيش اسمه برضه!!!0_o
هنتريق بقى ولا اييييييييييه؟

طيب واللهكان تحفة أنا فعلا كلته ومقدرتش أكمل أكل باقي الأصناف

نحن واياكم يا سوستة وهو فعلا والحمد لله كان يوم ميتعوضش

هههههههه لأ كان المفروض لعمو ولأحمد بالمرة
P:

E73 on 30 نوفمبر 2009 في 3:42 ص يقول...

حلم كان
********
وانتي بالصحة والسلامة
تقبل الله منا ومنكم
ههههههه أنا عملت كدة في عيد الفطر وكان شكلي ميسرش خالص لأني وصلت والإمام بيسلم والجامع مليان ناس وقافلين مصلى السيدات صليت في ساحة المسجد ونسيت اني مكنتش متوضية أصلا طبعا انا بصلي في المدخل والراجل سلم والرجال اللي مكنوش بيسمعوا الخطبة ماشيين وانا واقفة فينص السكة

يعني أصلا كانت واقفة ملهاش أي لازمة لأني أصلا كنت ناسية أتوضى وجيت في الركعة التانية نسيت أقول الخمس تكبيرات

حاجة آخر مهزلة والله

خير خير الواحد مبيتعلمش ببلاش