الأربعاء، 27 فبراير 2013
بسم الله الرحمن الرحيم
السلام عليكم روحمة الله وبركاته
إنه البرد كالعادة
ينتشر ويستمر ويتوغل
من يوم الخميس اللي فات تحديدًا بدأ معايا
وهو أصلا برد مزمن يعني طول السنة مصاحبني بس أوقات بيبقى كامن وأوقات تانية بتجيله الجنونة
هي بقى الجنونة دي جتله من يوم الخميس الماضي
تسبب الأمر إني أصبحت طريحة الفراش لمدة يومين
ويادوب على يوم السبت بدأت أسترد بعض عافيتي
طبعًا على آخر اليوم كنت تعبت تاني لأني مصدقت جتلي شوية صحة وفرتكتها
مما أسفر عن إني مقدرتش أروح الشغل يوم الأحد
رحت يوم الاثنين وحسيت إني تعبانة جدًا فاستأذنت وروحت بدري
وأخذت إجازة عارضة يوم الثلاثاء والأربع اللي هم امبارح وأول
لكن البرد برضه لسة بيلعب لعبته معايا
ودا لسبب بسيط جدًا إني لما قررت آخذ المضاد الحيوي مكنتش حازمة مع نفسي في مواعيده ولم أكمل كورس العلاج كامل فتقريبًا المرض استوحش أكتر من الأول
الفكرة حاليًا اني لازم اروح الشغل بكرة وورايا مليون حاجة وتحضير أسبوع كامل معملتوش :(
وواحدة طالبة مني فستان أخلصهولها ولسة مخلصتهوش وحاسة إني محتاسة
هو أنا هدخل الجنة امتى علشان أترحم من الضغوط والمسئوليات المرمية على كاهلي >_<
اللهم إني أسألك رضاك والجنة وأعوذ بك من سخطك والنار
الاشتراك في:
تعليقات الرسالة (Atom)
4 آراءكم:
هههههههههههههههههههههههه
ماتستغربيش انى بضحك اصل البوست عجبنى جدا
عجبنى البرد المزمن وعجبنى مما اسفر وعجبنى مؤامرة البرد اللى معموله عليكى وعجبنى حزم المضاد الحييوى ههههههههههههههههههه
بس سؤال بقى بمناسبة الفستان..انتى اشتغلى ايه؟
ألف سلامة .. معلش هو دور ماشي في البلد اليومين دول .. ربنا يعفو عنك إن شاء الله
هههههههههههههههههه ربنا يبارك فيكي يا رمى انتي محسساني ان كلنا عندنا برد :D
انا اشتغل مدرسة رياض أطفال وواخدة التفصيل هواية ^_^
الله يسلم حضرتك.. ياريت حد يقبض عليه الدور دا.. اللهم آمين نحن واياكم
إرسال تعليق