السبت، 9 يونيو 2012
بسم الله الرحمن الرحيم
السلام عليكم ورحمة الله وبركاته
ولأن مش كل اللي بنحلم به بنلاقيه أحيان كتير بيصيبنا الاحباط
هل غلطتي اني حلمت زمان ولا غلطتي اني متبعتش أحلامي؟!! مش عارفة الحقيقة
هل الخير في احلامي ولا الخير في واقعي مش قادرة احدد
وعلى هذا انا ماشية مع التيار الرتيب الراكد اللي بحس انه بيسحبني للقاع
مش لاقية الاكسجين بتاع زمان
كنت مبحبش مشاوير القاهرة علشان الزحمة والحر الرهيب والتلوث
دلوقتي القاهرة بالنسبالي بقت رمز الاكسجين
بجد مع كتمتها وشمسها اللي بتلفح في قفا الواحد حتى لو في الضل هقولك اه
بالطريق اللي لو مشيته تاخد نص الوقت لو راكب هقولك اه
عارف لما تبقى راكب في عربية جنب سواق وانت في دماغك انك رايح المكان الفلاني وفجأة تلاقيه حود شمال وانت عينك متعلقة بالطريق اللي كنت متخيل انك هتمشي فيه وبتتحسر ومنتاش قادر تقوله وقف لأن مفيش وسيلة مواصلات تانية وانت مش عارف الطريق اللي انت بتتمناه دا هيوديك لفين
اهو دا بالظبط اللي انا حاسة به
اني اتنفس تحت الماء اني اغرق اغرق اغرق
والحمد لله
الاشتراك في:
تعليقات الرسالة (Atom)
6 آراءكم:
عندي سؤال حضرتك .........افهم من كده انه سعادتك نزلتي قاهرة المعز لدين الله الفاطمي؟؟؟؟؟؟؟
لم يحدث مطلقًا يا عزيزتي من فترة طوييييييييييييييلة
ممممممممم.....مش كل ايلي بنحلم بيه بنلاقيه احياناا..\هل الخير في احلامي ولا لخير في واقعي..كلام زي الفل نسلمي
تسلمي وتعيشي يا مرمر
وربنا يهدينا للخير
مش عارفة فعلاً ... ربنا يدلنا على الخير بغذن الله تعالى
يا رب اللهم آمين
إرسال تعليق