الخميس، 21 يونيو 2012
بسم الله الرحمن الرحيم
الميوزيك بوكس دا عاجبني جدًا يا سلام لو حد يجبهولي في مرة مفاجأة يااااااااااااااااااااه هبقى في قمة سعادتي
هو غالي حبتين انا عارفة بس اعمل ايه بقى دا هيدخله في بتاع 800 جنيه بعد الشحن والجمارك والذي منه ههههههههههه أعتقد كدا محدش هيفكر يجبلي هدية أبدًا
دي كلمات الأغنية اللي موسيقتها في الميوزك بوكس
Once upon a December
Dancing bears, painted wings
Things I almost remember
And a song someone sings
Once upon a December
Someone holds me safe and warm
Horses prance through a silver storm
Figures dancing gracefully
Across my memory
Far away, long ago
Glowing dim as an ember
Things my heart used to know
Once upon a December
Someone holds me safe and warm
Horses prance through a silver storm
Figures dancing gracefully
Across my memory
Far away, long ago
Glowing dim as an ember
Things my heart used to know
Things it yearns to remember
And a song someone sings
Once upon a December
وأثناء ما كانت بتتردد الأغنية دي على بالي من امبارح من وقت ما لقيت الميوزك بوكس دا وكنت بكلم صحبتي على الفيس بعتتلي فيديو تحفة بصراحة خلاني افكر في معاني الاغنية بشكل مختلف
اغنية تانية اصلا لمحمد منير بتاعت بتبعديني عن حياتك بالملل بس بجد اللي راسم الكليب شخص رائع هو عبارة عن رسوم كاريكاتورية متحركة انما بجد تحفة
وطبعا مش هجيب الفيديو b:
الجمعة، 15 يونيو 2012
انا فاكرة في انتخابات 2010 لما صممت اني انزل انتخب وصممت وكل اللي اعرفهم اننا ننتخب الاخوان علشان نشوف هيبقى رد فعل النتيجة ايه
وكلمت كتير من صديقاتي وحفذتهم انهم ينزلوا وبالطبع كتير منهم قالي ماحنا عارفين النتيجة ومحدش نزل منهم
وكانت النتيجة اللي كلنا متوقعنها واللي كانت من شرارات الإفاقة
ونفس اللي حصل وقتها بيحصل دلوقتي انا بس عاوزة اسأل نفسي سؤال هو احنا ليه محتاجين نمثل على نفسنا
ليه اروح انتخب اصلا لما ممكن اروح اعمل مظاهرات
ليه همشي معاهم للنهاية جتهم القرف قرفوني في عيشتي
انا حتى وقت قريب جداااااااااا يمكن لحد امبارح بس او النهاردة الصبح كنت مقررة انزل ابطل صوتي
لكن بعد المهزلة دي بجد انا فاض بيا
كنت بقول لو الاخوان مسكوا البلد انا ههج منها واسيبهالهم مخضرة
انا قررت انتخب المرسي مع اني متأكدة ان الانتخابات هتتفبرك وقاعدالهم ومش رايحة في حتة جتهم القرفففففففففففففففففففف
يا رب قويني انا عارفة هيطلع عيني بس بعد كدا مش هتحرج أقول بأعلى صوتي لأ لأ لأ
غش في امتحانات لأ
تزوير في تصحيح الورق لأ
تزوير في دفاتر غياب وحضور لألألأ
يا رب ثبتني يا رب
وحسبي الله ونعم الوكيل
كام مليار .. ولا بلاش مليار يمكن تكون بتزعل.. كام مليون اتصرفت عالانتخابات دي اللي جايين دلوقتي يقولوا غير دستورية
وهو اللي حط قوانين اللعبة مكتشفش عدم دستوريتها الا بعد ما النتيجة طلعت وقبل انتخابات الرئاسة بيومين؟!!!!!!!!!!!!!!!!!!!!!!!!!!!!!
ألا لعنة الله على الظالمين
السبت، 9 يونيو 2012
بسم الله الرحمن الرحيم
السلام عليكم ورحمة الله وبركاته
ولأن مش كل اللي بنحلم به بنلاقيه أحيان كتير بيصيبنا الاحباط
هل غلطتي اني حلمت زمان ولا غلطتي اني متبعتش أحلامي؟!! مش عارفة الحقيقة
هل الخير في احلامي ولا الخير في واقعي مش قادرة احدد
وعلى هذا انا ماشية مع التيار الرتيب الراكد اللي بحس انه بيسحبني للقاع
مش لاقية الاكسجين بتاع زمان
كنت مبحبش مشاوير القاهرة علشان الزحمة والحر الرهيب والتلوث
دلوقتي القاهرة بالنسبالي بقت رمز الاكسجين
بجد مع كتمتها وشمسها اللي بتلفح في قفا الواحد حتى لو في الضل هقولك اه
بالطريق اللي لو مشيته تاخد نص الوقت لو راكب هقولك اه
عارف لما تبقى راكب في عربية جنب سواق وانت في دماغك انك رايح المكان الفلاني وفجأة تلاقيه حود شمال وانت عينك متعلقة بالطريق اللي كنت متخيل انك هتمشي فيه وبتتحسر ومنتاش قادر تقوله وقف لأن مفيش وسيلة مواصلات تانية وانت مش عارف الطريق اللي انت بتتمناه دا هيوديك لفين
اهو دا بالظبط اللي انا حاسة به
اني اتنفس تحت الماء اني اغرق اغرق اغرق
والحمد لله
الاشتراك في:
الرسائل (Atom)
