مع نفسي

8 آراءكم:

AhMeD RaDy on 20 مايو 2011 في 12:35 ص يقول...

بصى ان شاء الله هكتب الرد ..

بس هى مبدئيا جدعة جدا

E73 on 20 مايو 2011 في 1:12 ص يقول...

وانا في انتظار الرد

ربنا يقدرك كدا وتكتب رد وافي وشافي

AhMeD RaDy on 22 مايو 2011 في 1:11 ص يقول...

امممممممممم

بصى ..

هى عملت حاجة صح وعملت حاجة غلط

الصح انها كشرت عن انياهبا وبينت انها تقدر تدافع عن نفسها باى طريقة .. ولو باستخدام الكوتشى

الغلط .. انها استعرضت بسرعة القوة .. ودا كان ممكن يعرضها لموقف سلبى من اللى مش نضيف ( مش هقول اللفظ ) اللى كان بستظرف ويخليه يسوق فيها

وخاصا ان الشوارع بقيت كلها رجالة .. ودا واضح جدا

انا معها .. فى انها تدافع عن نفسها بكل طريقة وباى شكل .. وبقولها كدا
اهدى وما تستعجليش فى رد فعلك ... واقولها .. انتى راجل بجد يسلم دمك الحر

E73 on 22 مايو 2011 في 2:32 ص يقول...

انا برضه مؤيد بس بتحفظات

كانت وجهة نظري كالتالي

حلو جدا انها تاخد حقها وتقدر تتكلم عشان محدش يضايقها

لكن وآاه من لاكن على رأي اللي قالها

أولا مش أي مكان هقدر أتعامل فيه بالأسلوب دا يعني مثلا لو حد ضايقني في الجامعة ممكن لو حد ضايقني في الشارع ممكن لكن لما ابقى انا موجودة في مكان سواء بقى كنت عارفة ولا اكتشفت انه مكان فيه اصلا ناس دون المستوى يبقى مينفعش استخدم الأسلوب دا هتقولي ليه هقولك لأن بكل بساطة مفيش لا أمن ولا حراسة في الحديقة والناس اللي قاعدة شكلهم كلهم شبهة ومحدش هينقذني لو كان العيال دول شاربين حاجة ولا معاهم مطوة ولو انا رفعت عليهم مثلا الجزمة وراح واحد منهم لازقني ألم هل ساعتها هقدر أرد عليه؟ أكيد أكيد أكيد هو هيبقى أقوى مني وطالما انا ارتضيت الأسلوب دا من البداية يبقى لازم أبقى قده للنهاية

دي كانت نقطة النقطة التانية كالتالي

لكل فعل رد فعل مساوي له في الشدة ومضاد له في الاتجاه

طالما كانت مضايقته ليا بالكلام يبقى لو فكرت ارد عليه يبقى برضه في حدود الكلام لأني لو قررت انا انزل لمستواه هيرد هو عليا رد لا تحمد عقباه لكن لو انا من البداية قررت ارفع مستوى النقاش لمستوايا انا فمش هديله فرصة انه يتطاول عليا

ثالث نقطة وهعتبرها الأخيرة
اني مرة كنت في القاهرة راكبة مع جوز اختي ولقينا خناقة واحدة سايقة عربية وتقريبا اتغابت وعملت حاجة غلط وعمالي فيها جدعة بقى وطالعة تحزؤه وتشتمه في الشارع هو طبعا طلع راجل معندوش نخوة ونزل هو كمان من العربية وهزأها هي ضربته آم هو ضاربها واللي واقفين عملوا ايه؟! بكل بساطة قالك يا عم الحاج دي لو مكترمة مكنتش مدت ايديها عليه وساعتها كنا احنا هنتدخل لكن هي واضح انها عارفة تاخد حقها كويس قوي احنا مالنا بقى بوجع الدماغ

بعد دا كله أحب أقول حاجة أخيرة امشي عدل يحتار عدوك فيك

انا لو شايفة ان كل حاجة بعملها لا تستدعي اني اتعاكس ومع ذلك بتعاكس يمكن انا لبسي مش قد كدا احاول اضبطه يمكن انا جميلة بزيادة ودا بيسبب فتنة يبقى أحسنلي انتقب لو بعد كدا حد تجرأ يبقى ساعتها هلاقي مليون من يحوش عني لو بس قلت ياهووو

مع العلم اني مش هنكر ان البنت كانت جميلة فعلا وشيء منطقي انها تتعاكس يبقى ليه احط نفسي في موقف زي دا؟!

منتظرة تعليقك لو عندك تعليق

AhMeD RaDy on 22 مايو 2011 في 10:48 ص يقول...

هههههههههه يبقى عندى تعليق

بصى

انا هاخد الكلام بتاعك من تحت لفوق

اولا موضوع انها ممكن تتعاكس عشان جميلة ماشى ... بس تفتكرى ان كل اللى بيتعكسوا .. بيتعاكسوا عشسان هم حلويين بس .. لا انا اسف بقى .. فى منتقابات بيتعاكسوا ... ودا لان اساسا فى ناس بتقول ان المنتقبة ..(( موزة جامدة وتلاقيها لابسة ايشى وشفتيشى ))

يعنى حتى اللى قررت انها تحترم ذاتها ... الناس برده شاكة فى نوايها وفى سلوكها

اللبس ... اه انا معاكى فى لبس مستفز .. واسالينى انا بالذات .. انا بشتغل فى منطقة الكوربة .. ومش هقولك بقى على المناظر اللى الواحد بيشوفها .. وبرده فى ناس بتللكك وخلاص .. حتى لو اللبس محترم برده الناس مش بترحم ...

بالنسبة بقى .. للست .. هقولك .. ساعات انا بعذر ستات لما بتعمل كدا .. لانها واثقة ان الشعب كله رجالة .. فايخدوا حقها تالت ومتالت !!!!!!!!!!!

احنا بقينا بجد مش محترمين . ولا نعرف اى حاجة عن الاحترام والادب .. وبقين فى منتهى السفالة

بالنسبة بقى للمكان وهو اللى بيفرض الموقف .. فدا اه صح .. وعشان كدا دايما لما البنت تخرج ... لازم تكون عارفة هى رايحة فين والمكان ايه ....!! دا مهم جدا جدا .. عشان ما تبقاش فى موقف لا يحمد عقباه .!

بس فى حاجة انا سمعتها ان البنات دلوقتى بتعمل خلطة كدا شبه الاسبريه .. شطة على خل على مش عارف ايه كدا .. وبتستخدمه لو حد اتعرض ليها .. بجد برافو لكل بنت فكرت بشكل ايجابى .. وعملت الموضوع دا .. دا طبعا غير اليكتريك ديفنس ..

وانا شخصيا .. معها هى صح فى زمن قالت فيه الرجولة (( تكاد تكون انعدمت ))

E73 on 22 مايو 2011 في 3:35 م يقول...

تمام تعتبر وجهات نظرنا مش بعيدة قوي عن بعضها لكن هسألك انت بقى سؤال كأحمد راضي شخصيًا

لو لقيت واحدة ماسكة واحد بتديه علقة في الشارع وانت مش عارف هي بتضربه ليه وهو طبعا بيرد عليها هل هتقف تحجز أو تدافع عنها بكل أمانة؟!

ولا لو واحدة جتلك وقالتلك لو سمحت فيه واحد بيعاكسني ممكن تتصرف معاه؟

ولا لو واحدة رقعت بالصوت ووقفت تزعق وتستنجد بالناس؟

دا كان سؤال

بالنسبة للمنتقبة على الأقل هبقى قدام ربنا وقدام نفسي عملت اللي عليا وأكيد طبعا فيه ناس محترمة جدًا وبتتعاكس مش هنكر لكن وقتها الوضع هيختلف

بالنسبة بقى للاسبراي والصاعق وأحيانًا ومش هزار فيه بنات بيبقى معاها مطاوي

بس تفتكر انا لو حد جه يضايقني هقوله استنى كدا لحظة الله يخليك لما أدور عالبتاع في الشنطة!!

هي طبعا خطوة إيجابية جدًا وأنا معاها لكن مش عملية آه هتديني الثقة والأمان لكن لو مكانتش في ايدي طول الوقت يبقى ملهاش لازمة

وربنا يبعد عننا الشر يا رب ويحفظنا ويهدينا ويبصرنا بالخير والصلاح

AhMeD RaDy on 23 مايو 2011 في 9:13 ص يقول...

ايه بقى الاحراج دا

بصى مش هدخل فى الاول طبعا لانها ممكن تكون مراته مثلا !!!

فى دى اه .. على الاقل هخرجها من الموقف لاقرب مكان .. بس عارفة هكون مقلق برده .. عشان الحركات القرعة بتاعت البنات يكون خطايبها وتكون بتستهبل بس على الاقل .. هيبان من الموقف من ساعتها

رقعت بالصوت ..هههههههههه بصى ساعتها اعتقد ان فى ناس كتير هتتلم .. واعتقد ان دا كفيل انه يمنع اى حد يتعرض ليها

هههههههههههههههه ايه ياميس .. لا طبعا مش هتقولى استنى لحظة بس على الاقل هيديكى قوة فى انك عارفة انه ساعة الجد هتقدرى تتصرفى .. عشان الموضوع ما يتطورش دا مهم جدا ...

واللهم امين

بالمنسبة صحيح ... فى موقف افتكرته .. بخصوص لما ترقع بالصوت .. فى مرة فى المدرسة الاعدادى .. كانت بنت راكبة تاكسى (( العهدة على الراوى )) والعيال عكسوها ومش عارف ايه اللى حصل المهم العيال جروا البنت من التاكسى لبرة فى الشارع .. ومش هكمل بقى على اللى حصل كان ايام امتحانات .. وتصورى بقى قذارة الموقف ادام مدرسة صبيان اعدادى .. تانى اهو اعدادى .. اللى انقذ البنت قبل فوات الاوان حاجتين

اولا طلعت تجرى وتصوت
ثانيا واحد بتاع فراخ .. دخلها المحل وقفل .. ووقف ادام المحل بالسكاكين . ساعتها ههههههههههههه العيال رجعوا بتوع اعدادى تانى !!!

تحيا مصر

E73 on 23 مايو 2011 في 3:02 م يقول...

:O @_@

ايه دااااااااااااااااااااااا

طب وبتاع التاكسي؟! مشي؟ طلع يجري؟!

أااااااااه ربنا يحفظنا يا رب

لأن انا كان كبيري وانا في 3 ابتدائي على ما اتذكر وكنت مروحة بيتنا من المدرسة وكان فيه تقريبا اربع او خمس ولاد جايين ناحيتي سدين الطريق وانا عمالة افكر يا ترى اعدي منين لحد ما وصلت ناحيته ولقتهم لفوا حوليا دايرة وانا بلف حوالين نفسي وهما بيلفوا حوليا وشوية شوية لقيت كل اللي كان في شنطتي في ايديهم مع اني محستش ان حد مسك الشنطة طبعًا من الرعب صرخت سمعت اللي في أول الطريق واللي في آخره والعيال طلعوا يجروا ورموا الحاجات للبنات اللي كانوا ماشيين ورايا وطبعا البنات فضلوا يطبطبوا عليا ويهدوني

بس اللي نفسي افهمه كانوا هيستفيدوا ايه من شنطة عيلة في تالتة ابتدائي وكل اللي اخدوه منها كان شوية كتب هبلة وسندوتشات

إرسال تعليق