الأحد، 1 مايو 2011

اللي يحكيلك يحكي عنك

بسم الله الرحمن الرحيم
السلام عليكم ورحمة الله وبركاته
حاجات مبعملهاش ومبحبش اعملها وربنا ما يجعلني اعملها

اتقالي انك قلتي عليا كذا كذ>> دا محصلش.. كان لازم تعرفي حاجة واحدة بس لو كنت عمري اتكلمت معاكي على حد يبقى معنى كدا اني اتكلمت مع حد عليكي.. مكنش المفروض تصدقي اني قلت حاجة زي كدا لأني مبحبش الغيبة والنميمة والطبيعي ان اللي يحكيلك يحكي عنك ولو انا طبعي الغيبة والنميمة أكيد مكنتش هقدر امسك لساني معاكِ مخصوص

انتي قلتيلي ان حصل كذا وكذا وكذا>>انا مش هقول حاجة على انها حصلت وهي محصلتش لأني مبحبش الكذب أكيد حد تاني اللي قالك أو انتي اللي فهمتي الكلام غلط هستفيد ايه لما أقول حاجة محصلتش؟

انتي مبتجيش ليه مببتصليش ليه؟>>الأجدر بكي تسألي نفسك السؤال دا مش تسأليني أنا ولا هو خدوهم بالصوت لا يغلبوكم!

هو ليه الانسان مبيوزنش الكلام في دماغه قبل ما يحدفه زي الطوب في وش اللي قدامه؟!

6 آراءكم:

AhMeD RaDy on 1 مايو 2011 في 9:47 ص يقول...

بصى يا ميس

انا عجبنى اوى العنوان ...

كلامك فى الجون ... اللى يحكى لحد عن حاجة .. يبقى اكيد برده هيكى لحد تانى عنه .. وهكذا

انطلقى

E73 on 1 مايو 2011 في 6:28 م يقول...

:)

طيب وفين رد السلام؟ ؛)

AhMeD RaDy on 2 مايو 2011 في 8:22 ص يقول...

ههههههههههههههه

وعليكم السلام ورحمة الله وبركاته

.....

على فكرة لسه برده مستنى المعجزات ؟؟

E73 on 2 مايو 2011 في 12:33 م يقول...

وانا كمان مستنية الالهام جمعتها كلها في صفحة عشان التسلسل يتجمع في دماغي وربنا يسهل ان شاء الله قريب

بس علشان الاحباط اللي عندي ان محدش متابعها زي زمان

كهرمانه on 7 مايو 2011 في 9:51 م يقول...

وعليكم السلاام ورحمه الله وبركاته(اتعلمت من درس اكتوبر )فعلا كلامك تمام جدا جدا وبردو زى اكتوبر عجبنى العنوان اوى مع انى منتش فاهمه معناه فى البدايه


عشان لو وزن الكلام وخلاه حلو ومسمسم كده

مكنتيش هتكتبى الكلام ده
لازم تشوفى الوحش عشان تعرفى قيمه الحلو

E73 on 8 مايو 2011 في 1:27 ص يقول...

مش كدا برضه يا منو

ربنا يجعل أيامنا كلها حلو في حلو

تصبحي على خير