الأحد، 9 أكتوبر 2011
بسم الله الرحمن الرحيم
السلام عليكم ورحمة الله وبركاته
من الحديثة للسيدة عائشة يا قلبي لا تحزن
****************************
بالنسبة للتحديث دا فأنا يوم ما كتبت إني قدمت على دبلومة في الكلية كتبت إن التربية العملي هتبقى في مدرسة إعدادي بنين
لكن تم رفض التربية العملي للدبلومة في المدرسة دي وعلى إثرها تم نقلنا لمدرسة تانية إعدادي بنات اسمها السيدة عائشة
عامة الحديثة ولا السيدة عائشة مش فارقة كدا كدا مش بندخل فصول ولا بنشرح ولا حتى بيجيلنا موجه لا من الوزارة ولا من الكلية ووقت ضايع وخلاص وربنا يستر ويهدي
علاء يا علاء
************
مع احترامي طبعًا للشخصية
بالنسبالي كواحدة مدرستش قبل كدا مع أولاد لا حضانة ولا ابتدائي ولا إعدادي ولا ثانوي ولا جامعة حتى جت الدبلومة على الجرح ولأول مرة في حياتي أختلط بالجنس الظيريف على أرض الواقع في مجال دراسي وعليه
طبعًا الكبر مني سنًا لهم وقارهم وانعزالهم مليش اختلاط بهم
نيجي بقى للأصغر سنًا ودول اللي أنا بطلق عليهم الناس الخضراء الورور اللي لسة متخرج جديد بقى وشايف نفسه حبتين و"شكمنهم" عددهم قليل في الدفعة بالمقارنة للبنات "8:50" فهنا تكمن المشكلة
رائد مجموعة التربية العملي اسمه علاء
طبعًا وبما إني مليش اختلاط زي ماقلت مسبق على أرض الواقع مع هذه المخلوقات فانا متوقعة كدا إني قريبًا قريبًا قريبًا يا ولدي هقفش مع الأخ علاء دا وربنا يستر من النتائج
يا جماعة أنا قفشتي وحشة ومليش في جو الأريحية في الكلام والهزار بقى والنظام دا بقلب وش أسفلت مش خشب
إكسبرشنز ويب
*************
هاهنا تكمن أهمية وسبب البوست دا
كنت مبسوطة قوي لما المعيد قالنا أنه هيتم تدريبنا على تطوير المواقع على الله يصدق وهيتم التعليم عن بعد عن طريق النت في السكاشن بقى أون لاين وكل سنة وأنتم طيبين وكذلك بكرر على الله يصدق
أنا بقى قلت أفتش في دفاتري القديمة على كتاب إكسبرشنز ويب للمهندس محمد رشدي كان عامل كتاب شرح بالعربي وربنا يجازيه خير يا رب ويجعله في ميزان حسناته أنا حملت الكتاب دا ومن المقدمة كدا نفسي اتفتحت وخاصة إني حابة قوي تطوير المواقع وتصميمها كمان ميضرش وجيبالكم النهاردة رابط الموضوع اللي هو كان عامله وحاطت فيه روابط تحميل الكتاب والملحقات
مع مراعاة إن باس وورد فتح الملفات هي mo7ader.com
من غير دابليو دابليو دابليو يا جماعة
طبعًا أنا هحطلكم رابط المنتدى واللي عايز الكتاب يسجل دخول
هتقولولي متجيبي رابط الفور شيرد على طول وعلى إيه اللفة دي
هقولكم يا جماعة دا أقل واجب إني أحفظله حقه وحريته وإننا نشكره على مجهوده اللي قام به وطالما هو نشر الكتاب على المنتدى دا فاللي عايز الكتاب ياخده كذلك من المنتدى
ودا الرابط وكل سنة وأنتم طيبين ومتنسونيش من الدعوات وانتوا بتدعوا للبشمهندس
http://www.yomgded.com/vb/showthread.php?t=11333&p=48337&viewfull=1#post48337
السلام عليكم ورحمة الله وبركاته
من الحديثة للسيدة عائشة يا قلبي لا تحزن
****************************
بالنسبة للتحديث دا فأنا يوم ما كتبت إني قدمت على دبلومة في الكلية كتبت إن التربية العملي هتبقى في مدرسة إعدادي بنين
لكن تم رفض التربية العملي للدبلومة في المدرسة دي وعلى إثرها تم نقلنا لمدرسة تانية إعدادي بنات اسمها السيدة عائشة
عامة الحديثة ولا السيدة عائشة مش فارقة كدا كدا مش بندخل فصول ولا بنشرح ولا حتى بيجيلنا موجه لا من الوزارة ولا من الكلية ووقت ضايع وخلاص وربنا يستر ويهدي
علاء يا علاء
************
مع احترامي طبعًا للشخصية
بالنسبالي كواحدة مدرستش قبل كدا مع أولاد لا حضانة ولا ابتدائي ولا إعدادي ولا ثانوي ولا جامعة حتى جت الدبلومة على الجرح ولأول مرة في حياتي أختلط بالجنس الظيريف على أرض الواقع في مجال دراسي وعليه
طبعًا الكبر مني سنًا لهم وقارهم وانعزالهم مليش اختلاط بهم
نيجي بقى للأصغر سنًا ودول اللي أنا بطلق عليهم الناس الخضراء الورور اللي لسة متخرج جديد بقى وشايف نفسه حبتين و"شكمنهم" عددهم قليل في الدفعة بالمقارنة للبنات "8:50" فهنا تكمن المشكلة
رائد مجموعة التربية العملي اسمه علاء
طبعًا وبما إني مليش اختلاط زي ماقلت مسبق على أرض الواقع مع هذه المخلوقات فانا متوقعة كدا إني قريبًا قريبًا قريبًا يا ولدي هقفش مع الأخ علاء دا وربنا يستر من النتائج
يا جماعة أنا قفشتي وحشة ومليش في جو الأريحية في الكلام والهزار بقى والنظام دا بقلب وش أسفلت مش خشب
إكسبرشنز ويب
*************
هاهنا تكمن أهمية وسبب البوست دا
كنت مبسوطة قوي لما المعيد قالنا أنه هيتم تدريبنا على تطوير المواقع على الله يصدق وهيتم التعليم عن بعد عن طريق النت في السكاشن بقى أون لاين وكل سنة وأنتم طيبين وكذلك بكرر على الله يصدق
أنا بقى قلت أفتش في دفاتري القديمة على كتاب إكسبرشنز ويب للمهندس محمد رشدي كان عامل كتاب شرح بالعربي وربنا يجازيه خير يا رب ويجعله في ميزان حسناته أنا حملت الكتاب دا ومن المقدمة كدا نفسي اتفتحت وخاصة إني حابة قوي تطوير المواقع وتصميمها كمان ميضرش وجيبالكم النهاردة رابط الموضوع اللي هو كان عامله وحاطت فيه روابط تحميل الكتاب والملحقات
مع مراعاة إن باس وورد فتح الملفات هي mo7ader.com
من غير دابليو دابليو دابليو يا جماعة
طبعًا أنا هحطلكم رابط المنتدى واللي عايز الكتاب يسجل دخول
هتقولولي متجيبي رابط الفور شيرد على طول وعلى إيه اللفة دي
هقولكم يا جماعة دا أقل واجب إني أحفظله حقه وحريته وإننا نشكره على مجهوده اللي قام به وطالما هو نشر الكتاب على المنتدى دا فاللي عايز الكتاب ياخده كذلك من المنتدى
ودا الرابط وكل سنة وأنتم طيبين ومتنسونيش من الدعوات وانتوا بتدعوا للبشمهندس
http://www.yomgded.com/vb/showthread.php?t=11333&p=48337&viewfull=1#post48337
الاشتراك في:
تعليقات الرسالة (Atom)
0 آراءكم:
إرسال تعليق