مع نفسي

الأحد، 15 أبريل 2012

قصور ذاتي

4 آراءكم اللي قالت الكلام ده E73 في 4:59 م

بسم الله الرحمن الرحيم

السلام عليكم ورحمة الله وبركاته

قصور ذاتي هو اللي انا فيه؟! ولا عدم القدرة على حسم القرار!!

مكنتش ناوية أبدًا أكمل في شغل الحكومة ولا في مهنة التدريس في المدارس من الأساس والنهاردة وبمجرد ما اتصلت بيا موظفة من الادارة وقالتلي اني اجيب اوراقي عشان بدل ما انا متعينة بالحصة هيخلوني بالتعاقد السنوي لقتني قمت وصليت استخارة ولبست ورحتلها وكملت ورقي زي ماكون منومة مغناطيسيًا مع اني عارفة اني مش طايقة ولا قادرة استحمل حتى انتهاء التعاقد اللي بالحصة بتاعي واللي كان المفروض يخصل في آخر شهر ابريل

هل المشكلة كانت في البلد اللي بشتغل فيها ولا المشكلة في العمل الحكومي ولا المشكلة في المناهج نفسها ولا المشكلة فيا ولا المشكلة في ايه معرفش وكل ما آخد رأي حد يقولي انتي في نعمة غيرك بيحسدوكي عليها ومترفصيش النعمة اللي انتي فيها وألاقيني ماشية بقوة الدفع او القصور الذاتي وجوايا مليون حاجة بتقولي لأ كفاية وفنفس الوقت ألف حاجة تقولي هي دي رسالتك في الحياة والدنيا دي مش مكان للراحة أساسًا ومفيش شغلانة هتبقي مبسوطة فيها 100% 

حقيقي تعبانة ومش عارفة المفروض اقرر ايه

الدبلومة اللي اهملتها لما اقنعت نفسي اني مش هكمل في مجال التدريس اصبحت الان مهمة لمجالي بما اني مضيت على التعاقد

المنحة اللي كنت ناوية اتفرغلها وحطيت عليها آمال عريضة أصبحت هي الآن العائق والمشتت لطريقي وأنا مبقتش عارفة اعمل ايه

انا كان نفسي اشيل ايدي من كل حاجة وأهيم على وجهي مطرح ما أحب أسافر وقت ما أحب أزور أقاربي

شخصية تكره القيود وأشعر أن العمل الحكومي ما هو هي ساقية وأنا الثور اللي مربوط فيها ولازم لا أبص يمين ولا شمال عشان اركز في اللي بعمله

ومع كل دا الاقي آلام القولون العصبي بتتصارع بداخل لتعلن هي الأخرى رأيها في الوضع الراهن

أفكر أحيانًا.. وما الذي يجبرني على كل هذا السعي والبهدلة وأنا في النهاية أنثى لابد ممن يتحمل مسئوليتي

وأفيق أحيانًا.. ليست الحياة دائمًا وردية كما هي والله أعلم بالغيب وعصفور في اليد خير من ألف على الشجرة وأن العمل عبادة ولهذا خلقنا فإذا لم أرد العمل فلأذهب إلى قبري

وفي النهاية أفكر

لماذا أفعل ذلك بنفسي؟!

ولا أنسى قول

الحمد لله عالم الغيب والشهادة

الثلاثاء، 10 أبريل 2012

الأربعاء، 4 أبريل 2012

كذبة اسمها ابريل

2 آراءكم اللي قالت الكلام ده E73 في 12:26 ص

بسم الله الرحمن الرحيم

السلام عليكم ورحمة الله وبركاته

مش عارفة ليه الشهر دا بدأها معايا كدا

مع إني والله كانت نيتي فيك صافية جدًا

انا ضد مبدأ التشاؤم لكن فعلا الشهر دا أظهرلي ما لم أكن أبطن له عندما كتبت هذا المقال

شهر أبريل 

فالفرح الذي كنت في انتظاره أوله كان فرحان أحدهما ذهب مع الريح والآخر قرر اللحاق بقطار شهر مارس في آخر أيامه

أما بالنسبة للفرج في آخره فأتمنى حقًا أن يأتي سريعًا عاجلاً لأنني أكاد لا أحتمل الاستمرار اكثر من ذلك

وما بين الفرح والفرج فاجأني هذا الشهر في البضع أيام الأولى منه بعدة مفاجآت غير سارة بالمرة

اللهم تمم هذا الشهر على خير يا رب العالمين

وأشكرك ربي على نعمك الكثيرة عليّ

لم أتوقع أنني سأحتاج للدعاء في شهر مثل هذا الشهر الذي توقعته أفضل الشهور لهذا العام

الأحد، 1 أبريل 2012

أسمهان

6 آراءكم اللي قالت الكلام ده E73 في 9:33 م

أنا عاوزة أدخل للنونو وحشتني جدًا جدًا جدًااااااااااااااااااااا

يادي البرد اللي بينقي الأوقات

يعني طول ما هي مسهرانا ومغلبانة أبقى زي الفل

وأول ما تبقى هادية ومؤدبة يجيلي برد يخليهم يعملولي حظر تجوال في الشقة عشان النونو متتعبش

مليش دعوة أنا عاوزة أشوف النونو اتصرفوا وادعولي البرد اللي عندي يروح بسرعة بقى

الثلاثاء، 27 مارس 2012

Finally I'll be an aunt

4 آراءكم اللي قالت الكلام ده E73 في 3:59 م

finally I'll be an aunt

 My sister will have a new baby ^^ today ISA

السبت، 24 مارس 2012

ربنا يجيبك بالسلامة

10 آراءكم اللي قالت الكلام ده E73 في 10:28 م

بسم الله الرحمن الرحيم

السلام عليكم ورحمة الله وبركاته

سوف أحلم بك عندما أخلد إلى نومي

وأتخيلك بجواري عندما أستيقظ

وأسرح مع لحظات سعادتنا

وأستبعد لحظات خلافنا

هكذا تكون الأحلام.. فلماذا أنغصها؟!

الجمعة، 23 مارس 2012

كل سنة وحضرتك طيبة يا ميس

4 آراءكم اللي قالت الكلام ده E73 في 1:13 ص

بسم الله الرحمن الرحيم

السلام عليكم ورحمة الله وبركاته

صورة بها أطفال الأربع قاعات بالروضة مجمعين لمشاهدة مسرح العرائس

كل سنة و"حضرتك" طيبة يا "ميس"

بغض النظر طبعًا عن الكلمتين اللي بين علامتين تنصيص

واللي حطتهم كدا لأني كنت أتمنى يتقالولي كدا بس ميضرش كل اللي ييجي منهم حلو برضه

تتنوع التهاني ومعظمها يكون على هيئة "كل سنة وانتي طيبة يا أبله"

وبعضها "كل سنة وانتي طيبة يا ميس"

المهم مش همسكلهم عالواحدة هنا كمان

ابتسامة خافتة

أنا بقيت في مقام ماما بالنسبة لأطفال الحضانة واللي لقتهم امبارح جايبنلي هدايا عيد الأم "آينعم هدايا رمزية" لكن عندي بالدنيا إنهم فكروا يجيبوا للميس بتاعتهم هدية

عملنا حفلة ومسرح عرائس وغنينا ونفخنا بلالين وزيننا القاعات يعني نقدر نقول هيصنا وحكينا حكايات

أتمنى اليوم دا يثبت في ذهنهم زي ما احتفال عيد الطفولة وانا في الروضة ثابت في دماغي

وشكلي وانا بعلق البلالين يفضلوا فاكرينه زي ما شكل معلمة الروضة بتاعتي مانا فاكراه حتى الآن وهي بتعلق بلالين عيد الطفولة

بغض النظر بقى عن ان أعياد المسلمين هم 3 اعياد فقط الجمعة والفطر والأضحى

لكن باقي المناسبات تعد مناسبات اجتماعية نستمتع فيها بقضاء بعض الوقت

عجبتني قوي الآيات القرآنية اللي جابوهالي ناوية أبروز اللي مش متبروز منها وأعلقه في حجرتي ^_^

والله وبقيت ميس والأطفال بتجبلي هدايا وبتشوفني في الشارع وتسلم عليا